Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Mizoram-a 5G Network hman tan tur leh thil pawimawh dang Governor in a sawipui

Governor Hari Babu Kambhampati chuan nimin khan Bharti Airtel Ltd. a Zonal Officer leh Engineer te chu Raj Bhavan-ah kawmin Airtel in Mizoram hmalakna liantham a neih mek te, an harsatna leh hmachhawp pawimawh an neih te an sawiho.

    He thutkhawm ah hian Governor Hari Babu Kambhampati chuan Mizoram-ah Airtel hmalakna a tha thawkhat nia a hriat thu a sawi a. 5G Network pawh hlawhtling taka kalpui turin duhsakna hlanin he Internet Network chak zawk hian Education, Health leh Banking-ah hmasawnna a rawn thlen ngei dawn tih a sawi a. Heng bakah hian 5G Network tangkaina tur pawh thildang tam takah a awm thu a sawi bawk. Governor chuan Aizawl leh Lunglei khawpui te bakah District Capital leh thingtlang khawlian deuhah te pawh 5G Network leh Fiber Network te siam belh zel turin Airtel hotute chu a chah a, “Thingtlang ah leh hmun kilkhawrah te Network Connectivity a chhiat avangin Bank service a tha thei lo a, Customer ten harsatna an tawk mek a, hei hi Telecom Service Povider te chuan an ngaihven thuai a tul a ni,” a ti.

Airtel hotute hian he hunah hian PowerPoint Presentation hmangin Mizoram-a Airtel hmalakna pawimawh zual, an inzarpharh dan, Tower bun zat leh an hmachhawp te an sawifiah a. Tunhnaia an hmalakna lian ber chu India Hmarchhak bial-a a palina ni tura Internet pekchhuahna Network chak ber chi, 5G Network chu February 2023-a hman theih turin nasa takin an inpuahchah mek tih an sawi. 5G Network hi Aizawl khawpuiah leh Lunglei-ah hman tan tura ruahman a ni.

Aizawl hmunlun lai, pawimawh lai leh sumdawnna hmunah Tower 53 leh Lunglei-ah Tower 10 te bun hmasak a ni dawn a. April 2023 chhungin District Headquarter zawng zawngah 5G Service pek hman an inbeisei tih an sawi a ni. Airtel hotute chuan thingtlang lamah pawh Internet chak zawka pechhuak turin Fibre an thlun belh chhunzawm dawn tih an sawi bawk a. An harsatna tawh thin, Tower bunna chungchangah mipui inzirtir kan la ngai a, Veng thenkhatah chuan Tower bun lo hlauh leh duh loh avangin network a awm lo tan tawh tih an sawi a. Thingtlang lamah erawh chuan Village Council te thlawpna tha tak an dawn thin avanga lawmawm an tih thu an sawi bawk.

Comments

Popular News (Last 30 Days)