Buhtun chin zirhona nei

Serchhip District-a North Vanlaiphai KVK hmun ah ‘International Year of Millet 2023’ pualin Zirtawpni khan Buhtun chin dan zirhona neih a ni.

India ram rawtna anga United Nations in ‘International Year of Millets’ a puan denchhenin Zirtawpni khan North Vanlaiphai KVK leh Serchhip District Agriculture Office te tangkawp chuan KVK Training Hall, N. Vanlaiphai-ah E. Lungdar Block-a loneitute tan ‘Importance and improved cultivation of Millets Training’ an buatsaih a. He hun hi KVK North Vanlaiphai-a Senior Scientist & Head Dr. T. Vanlalngurzauva chuan kaihruaiin Ser-chhip DAO Office-a ADAO R. Lalrinawma chuan ‘Millets pawimawhna’ tih thupui hmangin zirtirna a pe a, Kenny Zohmingliana, Subject Matter Specialist (Agronomy), KVK N. Vanlai-phai-in ‘Millets chin leh enkawl dan’ tih hmangin zirtirna a pe bawk a ni.

He hunah hian Lungchhuan, Bawk-tlang leh North Vanlaiphai a loneitute mi 30 vel an tel a ni.