State Level Mock Exercise atan inbuatsaihna nei

Lirnghing avanga chhiatna thleng palh thei laka chhanchhuah leh chhawmdawl hna thawh dan State pum huapa a tak anga enchhinna hun, ‘State Level Mock Exercise on Earthquake Disaster in Mizoram’ chu thla thar Feb. 2 khian neih a ni dawn.
    National Disaster Management Authority (NDMA) bultuma State Level Mock Exercise hlawhtling taka neih dan tur hi nimin khan biakhmuh theihna hmanga neih niin he hun hi Serchhip DC Meeting Hall atangin Ser-chhip-a sawrkar mi pawimawh te pawhin an lo sawm a, NDMA Consultant te hnen atangin Mock Exercise neih dan tur in kaihhruaina hrang hrang ngaihthlak a ni a, tun thla ni 31 khian Table Top Excercise chu neih leh a ni dawn a ni.

Ruahman lawk ang chuan tun tumah hian tun tumah hian India hmarchhak pum chu lirnghing na takin a sawi anga chan a ni dawn a, Mizoram chu a nghawng nasat ber tur anga changin, chhanchhuah leh chhawmdawlna hna thawk thin sawrkar Department leh tlawmngai pawl ten an chanvo hrang hrang leh hmanrua an neih te a takin an hmang anga, Disaster Management Plan neihsa te hmantlak a nih leh nih loh te enfiah a ni dawn a ni.