Mizoram-a Internet Connectivity tih hmasawn chungchang Governor in BSNL leh BBNL a sawipui

/

Governor Hari Babu Kambhampati chuan nimin khan Bharat Sanchar Nigam Ltd. (BSNL) leh Bharat Broadband Network Ltd. (BBNL) hotute kawmin Mizoram-a Internet Connectivity tih hmasawn dan tur chungchang a sawipui.

    Raj Bhavan-a an inkawmna ah hian Mizoram hmun kilkhawr zawkah te Internet Connectivity a awm vek theihna tura BSNL hmalakna leh Internet Data chak zawka inpekna hrui, Fibre To The Home (FTTH) thlun hna thawk mektu BBNL hmalak mek leh an thlen chin te sawiho a ni a. BSNL hmalakna hrang hrang te chu Power Point Presentation hmangin Arun Kumar, GM, BSNL leh C.Lalawmpuia, AGM, BSNL ten tarlangin, BBNL hmalakna te chu Rameshwar Prasad, Dy. GM/Consultant, BBNL in a sawifiah bawk a ni.

Governor Hari Babu Kambhampati chuan BSNL leh BBNL hotute chu sawrkar Telecom Provider an nih angin hlawkna um lutuk lova Service tha zawk, Technology tunlai zawk te Mizoram hmun kil zawka cheng te tana chhawp turin a ngen a. An hmalakna tawhnaah lawmthu sawiin, tunah chuan Private Company ten Telecom Service an pek ve tawh avangin BSNL leh BBNL te pawhin tan an lak nasat a ngaih thu a sawi bawk.

Governor chuan Siaha leh Lawngtlai District bikah te Internet leh Phone Network Connectivity a chhe zual tih pawh sawiin, Bank lam tan pawh hnathawh ngaihna a awm lo tih a sawi a. Hei hi Bank mamawhtu mipui ten an tuar rei tawh a, heng hmunah te hian BSNL leh BBNL tan la zual se, Fibre hmanga Internet chak chi pek leh 4G Tower kaltlanga 4G Internet Service te pekchhuak kawngah te hmalak ran a ngai tih a sawi a. 4G Saturation Program hnuaia 4G Connectivity awmlohna hmun zawng zawnga 4G Service pe tura BSNL in hma a lakna chu Governor chuan tha a tih thu pawh sawiin, kawngpui awmlohna hmun tlem azawng ah te Tower sakna bungraw lakluh a harsatna hmun te a awm tih a hriat thu leh heng hmunah te hian Helicopter hmanga Bungraw thliarluh dan dap turin thurawn a pe bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »