Border Management Cell din turin hma la mek

Home Minister Lalchamliana chuan ramri chungchang bik ngaihtuahtu tur Border Management Cell din tura hmalak mek a nih thu a sawi.

    Thuthar thehdarhtute zawhna chhangin Home Minister Lalchamliana chuan nikum November ni 22-a Council of Ministers thukhawmin ramri chungchang ngaihtuah tur bika din an remtih, Border Management Cell chu din a la ni lo tih a sawi a, tunah hian din turin hmalak mek zel a nih thu leh sawrkar kalphung zawm ngai tam tak a awm avangin duh anga hmalak zung zung theih a nih loh thu a sawi a ni. Home Minister hian Border Management Cell din a nih thuai theih nan Home Department chuan theihtawp an chhuah tih sawiin, Cabinet thutkhawm leh hmasak bera ngaihtuah hman tura chhawpchhuah theih an beisei thu a sawi a ni. 

Tarlan tawh angin nikum November 22-a Council of Minister thukhawm chuan ramri chungchang ngaihtuahtu tur bik Home Department hnuaiah Border Management Cell hi din remti in a tul anga post siam pawh a thuphung in an remti a ni.