Chawimawina dawng turin Lunglei Fire Station

Ministry of Home Affairs (MHA) chuan chhiatna hmachhawn dan chungchanga thawkthate chawimawina dawng turin Lunglei Fire Station chu thlan a nih thu tunkar Thawhtanni khan a puang.

    He chawimawina, Subash Chandra Bose Aapda Prabandhan Puruskar hi kum 2019 khan siam tanin chawimawina hmasa ber hi kum 2022 khan pekchhuah a lo ni tawh a. Pawl/Office/Department leh mimal-a thawk thate hnenah he chawimawina hi pek thin tur niin Mizoram sawrkar chuan hemi chungchang ngaihtuah tur hian 'State Level Award Committee on Subash Chandra Bose Aapda Prabandhan Puruskar' chu a din a. State Level Committee hian April 24-26, 2021 chhunga Lunglei khawpui chhehvela ram kang nasa tak mai chhuaka Lunglei Fire Station te theihtawp chhuahna chu chawimawi phu nia hriain Union Home Ministry ah ziakin a thlen a. Tehna hrang hranga an teh hnu leh sawrkar Agency ruat bik ten an endik hnuah he chawimawina 'Subash Chandra Bose Aapda Prabandhan Puruskar, 2023' hi dawng turin Lunglei Fire Station hi thlan a lo ni ta a ni. He chawimawina hian pawisafai cheng nuai 51 leh Certificate a keng tel a. Lunglei Fire Station hian he chawimawina hi Institution Category atangin a dawng a ni.

Comments

Popular posts from this blog