Kangmei venna kawnga hmalakna tur ruahman
He thutkhawm Addl. DC Lalmuansanga Ralte kaihhruaiah hian Member Secretary leh Thenzawl DFO Lalbiakchama Chawngthu chuan kum kalta lama kangmei venna kawnga hmalakna leh kumin-a hmalakna tura State Level Sub-Committee in ruahmanna a siam te a sawi a, nikum khan Serchhip District chuan kangmei venna kawnga hma la tha ber lawmman a lak thu sawiin, kumin ah pawh hian theihtawp chhuaha kan tan tlan a tul dawn thu a sawi bawk.
Serchhip District Fire Prevention Committee hian kumin a Kangmei Venna Hapta hi February 6, 2023-ah DC Conference Hall-ah a hawnna nei tura ruahmanna siamin hun hman dan tur pawh an duang nghal a, Lo leh huan hal tur nei ten March 15 hmaa hal vek tura State Level Sub-Committee in a ruahman chu Serchhip District-ah pawh khauh taka kenkawh relin hemi hnu lamah hi chuan Mangkhawh leh Cha hal te pawh awm lo tura hmalak nise an ti a, hei hi VC te pawhin anmahni huamchhung ah theuh lo enfiah se an ti bawk.
Kum danga lo tih tawh thin angin kangmei venna a hma la tha khua te thlangin State Level lamin lawmman a ruahman bakah hma la tha khua, lawmman dawng phak lo te pawh District Committee hian lawmman siam nise an ti a, Nitin chanchinbu, kangmei venna lama thawk tha thlanchhuah hnenah hriatpuina (recognition) pek leh nise an tih bakah kangmei laka invenna lam inzirtirna uar taka kalpui turin rua-hmanna siam a ni a, VC te pawh mahni khua theuha hma la turin beisei an ni bawk.
Comments
Post a Comment