Damdawi In ah 2233 admit

Nikum (2022) chhung khan Serchhip District Hospital-ah damlo inentir mi 23,824 awmin mi 2233 te chu admit an ni.
    Serchhip District Medical Superintendent (DMS) Office atanga thu kan dawn danin nikum (2022) January thla atanga December thla tawp thleng khan Ser-chhip District Hospital OPD leh Casualty-ah damlo inentir mi 23,824 an awm a, heng te hi mipa 10,246 leh hmeichhia 13,578 te an ni a, heng atang hian mi 2233 admit niin mipa 1125 leh hmeichhia 1108 te an ni a. An zinga mi 124 te chu hmundang an enkawl tura tih (refer) an ni a, heng te hi mipa 69 leh hmeichhia 55 an ni.

Kum kalta chhung vek khan Serchhip District Hospital-ah hian naupiang 156 an awm a, heng te hi mipa 76 leh hmeichhia 80 an ni a. Hemi chhung vek hian mitthi chhinchhiah 40 an awm bawk a, mipa 24 leh hmeichhia 16 niin naupiang thi mipa 2 an awm bawk a ni.