MJA Serchhip District buatsaihin Bangladesh atanga Mizoram-a raltlan te tanpuina atan nizan hmasa khan Serchhip-ah Charity Concert hlawhtling taka neih a ni.
He Charity Concert hi Serchhip Auditorium-ah neih niin Serchhip District Bawrhsap Nazuk Kumar IAS bakah Serchhip SP Stephen Lalrinawma, Addl. DC Lalmuansanga Ralte leh sawrkar mi pawi-mawh ten an hmanpui a, he hunah hian Aizawl atangin F. Sanglura Band bakah Project Band Serchhip, Vengchung Rimawi (VERIM) Serchhip leh mimal zaithiamF. Lalremruati leh Zai-thanchhungi te an zai a ni.
Charity Concert buatsaihtu MJA Serchhip District te chuan Concert en tute, Raltlan te puala sum leh pai petu zawng zawng leh Online Payment hmanga tanpuina petute zawng zawng chungah leh he Concert a hlawhtlin theihna tura tha leh zung, sum leh pai thawhtu zawng zawngte chungah lawmthu an sawi a ni.
Comments
Post a Comment