Dan lova kuhva tawlhruk a hmalak zel dan tur rel

Dan lova Khuhva tawlhruk chungchang ngaihtuah tura din Task Group on Illegal Arecanut chu nimin khan Task Group Chairman H. Lalengmawia IAS, Commissioner & Secretary Home Department kaihhruaiin an thukhawm.

    Forensic Science Laboratory Conference Hall-ah thutkhawm ah hian Myanmar leh khawchhak ramdang atanga Dan lo a Mizo-ram, India-a kuhva lo lut chungchanga hmalakna awm mek te tihchak lehzual dan tur sawiho a ni a. February thla chhungin District hrang hranga dan lo a lakluh Kuhva chhekkhawl awm zat khawnkhawm zui zel nise an ti a. Hetih lai hian hmun hrang hranga dan lo a kuhva kudam hrang hranga awm mek te chu a Kudam chawpa kalh (seal) leh dan anga hmalak (legal action) anih theih nan Task Group in Customs Department-ah report a thehlut anga, February thla chhung a report hmuh belh pawh Customs Department-ah report a ni leh ang an ti.

Heng bakah hian Mizoram chhunga Checkgate te tun aia chak lehzual leh awmze nei zawka an function nan Police in hma an la ang tih te, a theihna leh tul apiangah Central YMA in Branch hrang hrang te kaltlangin Police an tanpui ang tih te leh hmun hrang hranga heng dan lo a kuhva chhekna Kudam te awmna LSC/VC pass te kimchang takin DC ten Task Group in hma an lak zui zelna turin Home Department ah report an pe ang tih pawh rel a ni a. Task Group chuan danlo a kuhva sumdawnna ah hian tumah inhnamhnawih lo tur leh inhnam-hnawih awm te pawh rang taka tawpsan tura hriattirin an ngen a ni.

He thutkhawm ah hian Sawrkar Department hrang hrang bakah Central YMA aiawh te pawh an tel bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result