NSUI in Lengpui Airport-a Trolley dinhmun enfiah

/

National Student's Union of India (NSUI) Mizoram State te chuan Lengpui Airport-a Trolley hman tlak awm mang lo chu a hmuna kalin an enfiah tih an sawi.

    Nimin-a thuchhuah an siamah NSUI (Mz) chuan GAD Aviation Wing-a an hotu awm angte kawmin mipui mamawh Trolley indaih lohna nasa lutuk leh zin vei vak bungraw ngah tak tak te'n harsatna an tawh nasat thu hriain a hmuna kalin an enfiah tih hi an sawi a. Trolley chhia tam tak an hmuh bakah, a hmantlak 25 chauh a awm tih an hmuhchhuah thu sawiin, an President RB. Lalmalsawma chuan, “Lengpui Airport-a trolley indaih hman tûr a awm loh chhan leh a chhiat nachhan chu Lengpui Airport Renovation ti mektu Contractor te'n Cement leh an hnathawhna hmanraw rit tak tak nawrna atan an hmang thin a ni,” a ti a, mipui hman tûr indaih awm lo khawpa Contractor, Kamrula te'n Trolley an hmang chhia chu a hriatthiam lo tih a sawi a, “Contractor hian ni 15 chhungin a tira awm zat vel Trolley thar an dah ngei tur a ni,” a ti bawk.

Hei bakah hian NSUI chuan Lengpui Airport Renovate mekah a ban khuhna bungraw tha ber chi Armstrong Company hman tûr a awm reng laiin, a chhe chi Alstrong Company hman a awm nia an hriat thu an thuchhuah ah hian an tarlang bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »