‘Kawtchhuah-2022’ kharna hun Minister in hmanpui

Labour, Employment, Skill Development & Entrepreneurship (LESDE) Department in ni 2 awh ‘Kawtchhuah-2022’ an buatsaih kharna hun Inrinni-a Govt. ITI Campus-a an buatsaih chu LESDE Minister Lalchhandama Ralte chuan a hmanpui.

‘Kawtchhuah-2022’ kharna hunah hian Minister chuan awmze nei taka mithiamte hrualna hnuaia ITI zirchhuakte eizawnna tur atan Sawrkar in LESDE Department kaltlanga bultanna tur a buatsaih chu lawmawm a tih thu a sawi a. Kawtchhuah hmanga bultan turte chu eizawnna ngelnghet neihna atan chi pek an ni tih sawiin, he chi hi an eizawnna tur zawn theuhah an tuh tiah a, thenawm khawveng te leh Zoram tan rah duhawm tak chhuah theuh turin a fuih a ni.

‘Kawtchhuah-2022’ ah hian a titha mi 21 thlanchhuah niin heng thlanchhuahte hi tangkafai Rs. 50,000/- theuh an eizawnna bultan nan hlan an ni a. Computer Operator & Programming Assistant (COPA), Wireman, Electronic Mechanic, Plumber, Baker & Confectioner, Cutting & Sewing, Welder leh Carpenter Trade atangte in lawmman hi an dawng a. Heng thlanchhuahte hmalak chhunzawmnaah LESDE Department chuan uluk takin endikna a kalpui zui dawn a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result