KTP General Conference atan ruahmanna siam

Mizoram-a Kohhran Thalai punkhawmna lian ber, KTP General Conference chu May 5 atang 8, 2022 chhung khian Kolasib-ah neih tum a ni a, COVID-19 laka himna atan ruahmanna siam a ni.

Hemi chungchanga Kolasib DC in rua-hmanna a siam dan chuan Covid-19 symptom nei chu he inkhawmpuinaah kal loh tur niin District pawn atanga riaklut turte chu Rapid Antigen Test hmangin Kolasib khaw dai-ah test vek an ni anga, chhim lam atanga kal te chu Khuangpuilam (Hmangkhawthlir) leh hmarlam atanga kal te chu Tuitha Veng-ah te test an ni ang. Covid-19 vaccine full dose la tawh, 2nd dose an lak atanga ni 15 liam tawh leh Govt. Recognízed Testing Laboratory atanga Covid-19 negative certificate, test neih atanga darkar 48 aia rei lo neite chu test an ngai lovang.

Mikhual in thlen chungchang ah In-a thlen phal a ni dawn a, amaherawhchu, In pakhat ah tawt lutuk a mikhual/palai an thlen lohna turin ruahmanna siam tur a ni a. Pandal bulhnai hmun remchang laiah kutsilna siamin hand-sanitizer chhawp bawk tur a ni a, hmai tuamna (face-mask) tha takin hman vek tur a nih bakah midang nen inhlata awm hram tur a ni a, kut tihfai ngaih pawimawh bawk tur a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result