Hnathawk tha te chawimawi

Magic Bus Foundation chuan nimin khan School Headmaster, Zirtirtute leh Community Coordinator hnathawk thate lawmpuina hun an hmang a, he hun hi School Education Director James Lalrinchhana chuan a hmanpui a ni.

School Education Directorate Conference Hall-a he hun hmanna ah hian School Education Director James Lalrinchhana chuan hripui leng avanga School kal theih loh chhungin Magic Bus Foundation nen thawhhona tha tak an nei thei tih a sawi a. Magic Bus ten Covid-19 hripui lengin zirlai leh zirtirtute a nghawng dan Aizawl District huamchhungah an zirchiang tih sawiin, he zirchianna atang hian zirlai leh zirtirtuten harsatna an tawh dan te an hriatchian phah thu a sawi bawk.

School Education Director chuan School Education Department chuan thawhpui chi hrang hrang an neih zingah Magic Bus a tel thu a sawi a. Headmaster leh zirtirtute chu thawh-honaah tan la sauh sauh tur leh India rama a titha ber kan nih theih nana tan la turin a fuih a. Magic bus te thiltum, thalaiten retheihna kalsana khua leh tui tha an nih theih nana thiamna pek tih chu naupangte a tak rama hmantlak an nih theih nana mamawh a nih thu a sawi bawk.

Magic Bus-te hian School Education Department nena an thawhhonaa hnathawk tha Headmaster 3 leh zirtirtu 16 te lawmpuina an hlan a. India ram pumah naupang zirlai nuai 4 vel chu Life Skill zirtirin an tuam mek a, State 24 ah hna an thawk a, District 75-ah School 2342 te an thawhpui a, heng zinga School 270 chu Mizoram chhunga School te an ni.

Magic Bus te hi School Education leh Samagra Shiksha te nen an thawkho a, thawh-honaSchool tinah Teacher hman bik pahnih zel an nei a, naupangte chu Life Skill zirtir bakah pawl 12 thleng zirchhuak ngei turte leh a hun hmaa nupui pasal nei lo turtein an zirtir thin a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar