Sports Minister in hnathawh mek leh ramri a tlawh

/

Sports Minister Robert Romawia Royte chuan Ningani leh Zirtawpni khan Mamit District hmun hrang hranga SYS Department hnathawh te enin Assam ramri-a Mizoram Police Camp 2 a tlawh bawk.

Sports Minister hian cheng nuai 1250 senga Mamit-a Multipurpose Indoor Stadium sak mek te, Mamit dai-a Mamit Sports School cheng nuai 3400 senga sak mek leh cheng nuai 4400 senga Mamit District Sports Complex sak tan mek te tlawhin, Tuidam-a Laldenga Football Ground sak mek pawh a tlawh a. May 2022-ah Field hnathawh hi zawh hman tum a nih thu Minister hi an lo hrilh a ni. Sports Minister hian cheng nuai 3300 senga Kawrthah Residential Sports School sak mek pawh a hmunah a tlawh a, he School behchhana Synthetic Football Ground siam mek pawh a tlawh bawk.

Hei bakah hian Sports Minister chuan Thinghlun ram-a Assam ramri-a Mizoram Police te Duty Camp tlawhin TV lian leh sa leina turin Rs. 30,000/- a pe a, Sipaite insawizawina tura Sports Infrastructure siam nan cheng nuai 30 ruahman a ni tih a sawi. Mitdel lui Police Camp pawh Minister hian tlawhin Police te ruai theh nan Rs. 30,000/- pein TV lian a pe bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »