COVID-19 hri kai enkawl dam an pung zel

Niminpiah khan Mizoram-ah Sample 2078 enfiah leh niin heng atang hian COVID-19 hri kai mi 248 hmuh leh an ni a, Sample enfiah atanga za zela 11.93 ten hri kaiin nimin-ah hri kai enkawl dam 218 awm lehin Mizoram-ah hri kai enkawllai 944 an la awm a ni.

Niminpiah a Mizoram-a COVID-19 hri kai hmuhchhuah 248 zinga 241 te chu Rapid Antigen Test hmanga Sample enfiah 2005 atanga hmuh te an ni a, Serchhip District-ah hri kai mi 93 hmuh niin Mamit District-ah 33, Aizawl District-ah 26, Khawzawl District-ah 22, Saitual District-ah 21, Lunglei District-ah 14, Champhai District-ah 10, Hnahthial District-ah 9, Siaha District-ah 5 leh Kolasib leh Lawngtlai District-ah 4 ve ve te an ni.

Niminpiah khan ZMC-a RT-PCR Laboratory-ah Sample 14 leh Lunglei-a RT-PCR Laboratory-ah Sample 3 enfiah niin hri kai hmuh an awm lova, District 5-a TrueNat Laboratory-ah Sample 27 enfiah niin hri kai mi 5 hmuh an ni a, heng te hi Serchhip-ah 4 leh Hnahthial-ah pakhat an ni a, Fluorescent Immunoassay Test hmanga Sample enfiah 29-ah hri kai mi 2 hmuh niin Aizawl leh Serchhip District-ah mi pakhat ve ve an ni.

Mizoram-a hri kai hmuhchhuah tawh chu 2,24,104 niin nimin a enkawl dam 218 nen hri kai zinga 2,22,476 te chu enkawl dam an ni tawh a, hei hi hri kai hmuh atanga za zela 99.27 niin hri kai enkawllai 944 an la awm a, hri kai zingah mi 684 an boral tawh bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man