Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Hri kai 214 la enkawl mek

Serchhip District-ah COVID-19 hri kai enkawllai mi 214 an la awm mek.

Inrinni khan Serchhip District-ah hri kai mi 35 hmuhchhuah an ni a, an zinga 9 te chu Serchhip khawpui chhung a mi te niin New Serchhip leh P&E Veng-ah mi 3 ve ve hmuh an ni a, Bazar Veng, Leisang Veng leh Ramthlun Veng-ah hri kai mi pakhat theuh hmuh an ni. Heng bakah hian Thenzawl-ah hri kai mi 13 hmuh niin Lungpho ah mi 4, Chhiahtlang, Hmunzawl leh North Vanlaiphai-ah mi pahnih theuh leh Bawktlang, Keitum leh Mualcheng-ah pakhat theuh hmuh an ni bawk.

Inrinni khan Serchhip District-ah hri kai enkawl dam mi 31 awm belh lehin nimin khan Serchhip District-ah hri kai hmuhchhuah belh leh enkawl dam chhinchhiah an awm belh lova. Heti hian Serchhip District-a hri kai hmuh tawh chu 13,096 niin an zinga 12,849 chu enkawl dam an ni tawh a, hri kai atanga chhutin za zela 98.11 te enkawl dam ni tawhin enkawllai 214 an la awm a, hri kai mi 33 an boral tawh a ni.

Comments

Popular News (Last 30 Days)