Corruption leh induhsakna uchuak do ngai ti

Aizawl North-II bialtu MLA Dr. Vanlalthlana chuan, “Corruption leh induhsakna uchuak hi a tak taka kan do a ngai,” a ti.

Nimin a ZPM in Aizawl-a an Office-a chhung Inkhawm an neih ah Dr. Van-lalthlana chuan Corruption leh induhsakna uchuak natna kan vei mek avang hian beidawng tur kan ni lo tih a sawi a, “Chutiang tih chingte kutah chuan thuneihna kan dah loh ngam a ngai a, he natna dolet thei dinhmuna kan din lai hian theihtawp chhuaha do turin zoram mipuite ka sawm a ni,” tiin “Corruption hian mitin a nghawng a, rethei ngai an rethei ngat ngat a, hausa an hausa tawlh tawlh thung, mahse kan ram hi vote hmangin kalphung thar sawrkar hnuaiah siamthat theih a ni,” a ti bawk.