Under-14 Football-ah Hmar Veng FC te an champion

Serchhip District Football Association buatsaih Sub-Junior (Under-14) Football Tournament chu Inrinni khan khelh zawh niin Hmar Veng FC chuan Field Veng FC chu si khat faia hnehin an champion.

Team 11 telna he Tournament hi March 21 khan khelh tan a ni a, Inrinni a Final khelh ah Serchhip Hmar Veng FC hian Field Veng FC hi si hnih fai-a hnehin an champion a, champion Team hian Rs. 5000/-, Trophy leh Certificate dawngin pahnihna hian Rs. 3000/-, Trophy leh Certificate an dawng a ni.

NYK bultuma neih he Tournament-ah hian ZD. Lalrintluanga (Hmar Veng FC) chu Best Player atan thlan niin Goal 7 khungtu H. Lawmsangzuala (Hmar Veng FC) chu Top Scorer a ni bawk a, Rs. 500/-, Cup leh Certificate dawngin C. Lalruatpuia (Field Veng FC) chu Most Promising Player thlan thlan niin Rs. 500/- leh Cup a dawng a, Field Veng FC hi Fair Play Team-ah thlan nin Rs. 1000/- an dawng bawk a ni.

Inrinni-a he Tournament kharna hun hi Serchhip District Sports Committee Chairman K. Tlangthanmawia chuan khuallian niin a hmanpui a, infiammi kalkhawm te fuihna thu a sawi bakah Serchhip Sports Complex chu uluk tak leh dim-dawi taka hmang tura chahin, a sir-a Running Track pawh dim turin a chah a. India Super League (ISL)-2022 Champion Team a Serchhip tlangval tel Mark Zothanpuia, Hyderabad FC lawmpuina leh chawimawina thuziak SDFA in an buatsaih chu a hlan nghal bawk a ni.