Latest News

National Waterways No. 6 chungchang sawichhuak

Mizoram Rajya Sabha MP K. Vanlalvena chuan Parliament Session neih mekah Assam, Mizoram leh Manipur tlangmi, Barak lui kam a chengte ei leh bar zawnna tih hmasawnna tur chungchang ngaih pawimawh a tul thu a sawi.

Zirtawpni kaltaa Parliament thutkhawm ah Rajya Sabha MP chuan Assam ram chhung Barak luia National Waterways No. 6, Bhanga atanga Bangladesh ram hrula paltlanga Lakhipur pawhtu KM 121-a thui tuikawng chu Assam bakah Manipur leh Mizoram ten an chhawr tlan theih dan tur sawiin, Barak lui chho luan Lakhipur atanga KM 100 vela hla ah Tipaimukh junction chu Mizoram leh Manipur ramri hnaih a ni tih a sawi a. Tipaimukh junction atang hian kum tluanin Bay of Bengal awlsam te a thlen theih a ni tih tarlangin, Union Ministry of Ports, Shipping and Waterways chu Tipaimukh junction thlenga National Waterways No. 6 tuikawng sial turin a ngen a. Hemi chungchangah hian Mizoram sawrkar Tranport Department pawhin Ministry-ah rawtna a thlen tawh tih a sawi bawk. Rajya Sabha MP chuan hei hi tih puitlin a nih chuan Barak lui hrul a cheng ten nasa takin tuikawng hi an chhawr tangkai thei dawn a ni, tiin Union Minister of Ports, Shipping and Waterways Minister Sonowal chu hma la turin a ngen a ni.

Comments

Popular News (Last 30 Days)