Ramhmul damdawi zirhona nei

Mizoram State Medicinal Plant Board (SM-PB) leh Ramlai Society for Traditional Medicine (RASTRAM) tangkawp buatsaihin nimin khan Serchhip Press Club-ah ramhmul damdawi hrang hrang leh a tangkaina te inzirtirna neih a ni.

'Awareness Campaign on Medicinal Plant' hi RASTRAM-a Vice President (Marketing) Laldinpuia chuan kaihruaiin SMPB-a Programme Officer Dr. T. Lalliankimi chuan an hnuaiah District 5-ah ramhmul damdawi an chintir a nih thu leh chung zingah chuan Serchhip leh Lunglei-ah an insawrbing tih a sawi a, an hnuaiah Society 17 an in-register tih sawiin, ramhmul damdawia sumdawnna chu a thang chak hle a, a bikin Covid-19 hri a len hnuah a thang chak zual tih a sawi bawk.

Dr. T. Lalliankimi chuan ramhmul dam-dawi thatna hrang hrangte tarlangin, National Medicinal Plant Board-in Covid-19 damdawi enkawlna atana a tha tih a finfiah tawh ramhmul damdawi hrang hrangte a sawi bawk.

He hunah hian Serchhip khawpui chhung bakah Vanchengte, Hriangtlang, Che-kawn leh Khawlailung atangin ramhmul damdawi chin lama tui kuthnathawktute an kalkhawm a ni.