Serchhip-ah Cricket inelna zofel

Serchhip District Cricket Association (SDCA) buatsaih CK Frolics Cup, 2022 chu

Inrinni khan khelh zawh niin Pacers CC in Hmar Veng CC chu Run 114-a hnehin an champion. DC Playground, Khawtetlang-a Final khelh ah hian Toss-ah Hmar Veng CC chakin vawm hmasak an thlang a, Aizawl atanga rawn tel Pacers CC tan Lalawmpuia chuan run 65 zet siamin Lalhlimpuia chuan run 55 siamin Over 20-ah mi 3 out in run 190 an siam a. Hmar Veng CC in bat ve lehin Over 15-ah mi 10 out in run 76 chiah an tlin a, Pacers CC hi run 114 zetin an chak a, Alex Zosanglura (Pacers CC) chu Man of the Match atan thlan a ni.

Team 8 te inelna Frolics Cup-2022 a champion Team hian Trophy leh Rs. 50,000/- dawngin pahnihna in Trophy leh Rs. 30,000/- an dawn bakah Team tel zawng zawng hian Rs. 10,000/- theuh an dawng a. Batsman tha ber ah Lalawmpuia (Pacers CC) leh Bowler tha ber ah Alexander Zosanglura (Pacers CC) chu thlan a ni bawk a, Trophy hlan ve ve niin Alexander Zosanglura hi Man of the Tournament-ah thlan niin Trophy hlan a ni bawk.