Pathianni-ah hri kai 188 hmuh belh an ni

Pathianni khan Mizoram-ah Sample 987 enfiah leh niin heng atang hian COVID-19 hri kai mi 188 hmuhchhuah an ni a, Sample enfiah atanga za zela 19.05 te chuan hri an kai a ni.

Pathianni-a Mizoram-a hri kai hmuhchhuah zinga 184 te hi Rapid Antigen Test hmanga Sample enfiah 955 atang hmuh te an ni a, Aizawl District-ah 86, Mamit District-ah 60, Saitual District-ah 18, Champhai District-ah 13, Lunglei District-ah 5 leh Kolasib District-ah hri kai mi pahnih hmuh an ni. Heng bakah hian Fluorescent Immunoassay Test hmangin Aizawl-ah Sample 32 enfiah niin hri kai mi 4 hmuh an ni bawk a, ZMC leh Lunglei-a RT-PCR Laboratory bakah District hrang hranga TrueNat Laboratory-ah Sample enfiah a awm lo a ni.

Nimin khan Mizoram-ah hri kai enkawl dam mi 812 awm belh lehin heti hian nimin thlenga Mizoram-a hri kai hmuhchhuah chu 2,20,974 niin an zinga 2,17,895 te chu enkawl dam an ni tawh a, hri kai hmuh te atangin za zela 98.61 te chu enkawl dam ni tawhin hri kai enkawllai mi 2408 an la awm mek a, hri kai zingah mi 671 an boral tawh bawk a ni.