Kaihhruaina thar tichhuak

Mizoram sawrkar chuan tun thla ni 3-a thu-chhuah siama COVID-19 inkaihhruaina a siam tawh chu tidanglamin hman nghal turin thuchhuah thar a siam.

Hemi ang hian AMC area pawnlam ah chuan School leh Hostel te chu Academic Session thar, April 5, 2022 atanga hawn phal niin School leh Hostel chhunga hman tur Standard Operating Procedure (SOP) chu tha taka zawm tur a ni ang. Higher & Technical Institutes-ah Final Semester zirlaite tan class leh Hostel te hawn phal a ni a, Semester dang te chu H&TE Department ruahmanna in CAB uluk taka zawm chungin Academic Session July, 2022-a tan tur atangin Offline Class a hawn phal a ni anga, Department of HAMP, MZU hnuaia Ph.D. Course Work chu Class hawn phalsak a ni bawk.

Biak In-ah Kohhran Inkhawm chu chhun leh zan-ah neih phal niin, zing leh tlai tawngtai inkhawm pawh phal a ni a, Chhun leh zan-ah inkhawmpui neih phal ni bawkin CAB chu uluk taka zawm tur a ni. Inkhawmna leh Inkhawm-puiah te hian ruai buatsaih lo tura beisei an ni.

Bungraw chawkluh leh State chhunga thiar chungchang pawh tih danglam niin State pawn atanga bungraw lakluh nan phalna hranpa lak ngai lovin lakluh theih a ni tawh ang.