Serchhip tlangval khelhna Hyderabad FC te ISL-ah an champion

/

Indian Super League (ISL) Final chu Pathianni zan khan khelh niin Hyderabad FC chuan Kerala Blasters hnehin an champion a, Hyderabad FC-ah hian Serchhip tlangval Mark Zothanpuia chu a khel a ni.

Tun Season-a ISL Final hi PNJ Stadium, Fatorda (Goa)-ah khelh a ni a, Kerala Blasters hian ball chang tam deuh zawkin, ISL Final an khelh tawh pahnih ah an nomawi chawi thei lo mah se tun tumah hian chak ngei tumin an nawr a, Hyderabad FC lam pawhin Final an luh tum khatna ah chak ngei tumin an nawr bawk a, Fans nei ngah zawk Blasters tan minute 68-naah Rahul KP chuan goal khungin hma an hruai zui a, Blasters an champion dawn emaw tih tawh hnuah Hyderabad-in an si phurh sutin minute 88-na ah Sahil Tavora chuan freekick atanga ball kal zel chu goal-ah a chantir a, hun tawp zuiin 1-1 in an inhnehtawk a ni.

Hun pangngai a chak zawk an awm loh avangin Extra-Time khelh zui niin minute 30 chhungin goal lut a awm lova, Penalty Shootout hmanga chak zawk zawnna neih zui niin hetah hian Hyderabad FC hian 3-1 in hnehna an chang a, ISL final an luh vawikhatnaah nomawi chawiin hetianga ISL Final vawikhat luhna a champion nghal thei hi ATK, Chennaiyin FC leh Mumbai City FC bakah Hyderabad FC te an ni ta a ni.

Team 11 te inelna tun Season ISL-ah hian Mizo Footballer 26 zet inlanin Hyderabad FC-ah hian Serchhip tlangval Mark Zothanpuia s/o S. Vanlalchhunga (Headmaster, Govt. H/S Serchhip) chu a khel a, ani hi Serchhip P&E Veng FC tan pawha lo khel tawh thin a ni nghe nghe a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »