BBBP inhrilhhriatna hun nei

Nimin khan Serchhip-ah Self Help Group (SHG) member te tan Beti Bachao Beti Padhao (BBBP) inhrilhhriatna (Sensitization Training) neih a ni.

Beti Bachao Beti Padhao (BBBP) Implementation Unit, Serchhip buatsaiha Serchhip DC Conference Hall-a he hun hman hi BBBP Nodal Officer leh SDC F. Lalnisai chuan hmanpuiin BBBP hmalakna chu sawrkar laipui flagship programme a nih thu leh fanute venhim leh zir puitlin tir chu a thiltum ber a nih thu a sawi a. Serchhip District chhung hmun tina SHG member te chu fanute dam khawchhuahna atana thawktu leh mi puitling an nih ngei theih nana zirtirtu ni tel tura an beisei thu te; fanute venhim a tulzia mite hrilh hretu ni tura an beisei dante hrilhin, nu ho te kan tanrual chuan kan fanuten nasa takin hma an sawn ngei ngei dawn a ni, a ti.

He hunah hian BBBP District Coordinator, VL. Remruatpuii chuan Serchhip District BBBP hmalak tawhna te leh hmachhawp an nei mekte sawifiahna a nei a. SHG member te hnena training an buatsaih chhan leh an thawhpuina an beisei dante a hrilhfiah a. Denis V. Lalhlimpuia, Livelihood Coordinator, MzSRLM pawhin SHG te pawimawhna leh hnathawh turte, an din chhan leh a thiltum hrang hrangte zirtirna a pe bawk.

Nimin-a he hun hman hi Sarah Lalbiak-liani, District Coordinator, BBBP chuan kaihruaiin Keitum atangin SHG member mi 20 an tel a ni.