SRDC Council thutkhawm neih a ni

Sialkal Range Development Council (SRDC) hnuaia Council thutkhawm chu nimin khan an Chairman L. Thangmawia MLA hovin neih a ni.

SRDC Council thutkhawm SRDC Cell Office, Venghlui, Aizawl-a neih ah hian thu pawimawh hrang hrang rel a ni a, chung zingah chuan - Zirlai rethei, an zirna kawnga hlawhtlinna nei tura tanpuina pek ngai tanpui leh mimal thiamna bik nei an thiamna tipung tura puih dan tur dap ni se tih te, Ngopa-a Youth Development Centre sak zawh tawh chu SRDC enkawl tura dil ni se tih te, Paite Zirlai Pawl (Siamsinpawlpi -SSPP) ten zirna tihhmasawnna kawnga an hmalakna ah tanpuina mumal taka an hmuh theih dan dappui nise tih te, Social Welfare Department in Paite Tribal Hostel, Luangmual, Aizawl-a a sak chu enkawl hna dil ni se tih leh Vaikhawtlang H/S leh Hrianghmun H/S te mamawh zualpui phuhruk nan Grant in Aid atangin nuai 1 ve ve pek ni se tih te a tel a. SRDC Headquarters, Mimbung khaw rama Manipur leh Mizoram inrina lui Tuivai-ah Lei (bridge) dawhna tur pawisa SEDP kaltlanga Mizoram sawrkarin pawisa a pek avanga lawmawm an tih thu an sawi bawk.

SRDC huamchhungah tun dinhmunah hian khaw paruk (6) - Mimbung, Teikhang, Hrianghmun, Kawlbem, Selam leh Vaikhawtlang awm mekin, Headquarters chu Mimbung a ni a, Cell Office Aizawl Venghlui-ah a nei a ni.

Comments

Popular posts from this blog