Niminpiah-ah hri kai mi 494 hmuh belh leh an ni

Niminpiah khan Mizoram-ah Sample 3405 enfiah niin heng atang hian COVID-19 hri kai mi 494 hmuh leh an ni a, sample enfiah atanga za zela 14.51 te chuan hri an kai a ni.

Niminpiah khan ZMC-a RT-PCR Laboratory-ah Sample 102 enfiah niin hri kai mi 32 hmuh an ni a, Lung-lei-a RT-PCR Laboratory-ah Sample 25 enfiah niin hri kai mi 7 hmuh an ni bawk. Fluorescent Immunoassay Test hmangin Aizawl leh Serchhip District-ah Sample 43 enfiah niin hri kai hmuh erawh an awm lo thung.

District hrang hranga TrueNat Laboratory-ah Sample 56 enfiah niin hri kai mi 18 hmuh an ni a, an zinga 13 te chu Champhai District-a hri kai hmuh te niin Serchhip District-ah 3 leh Mamit leh Hnahthial District-ah hri kai mi pakhat ve ve hmuh an ni bawk.

Rapid Antigen Test hmanga Sample en 3179 atangin hri kai mi 437 hmuh an ni bawk a, Aizawl District-ah 73, Khawzawl District-ah 59, Mamit District-ah 56, Lunglei District-ah 53, Serchhip District-ah 51, Saitual District-ah 39, Hnahthial District-ah 38, Kolasib District-ah 28, Champhai District-ah 31, Siaha District-ah 11 leh Lawngtlai District-ah hri kai mi 8 hmuh an ni bawk.

Nimin khan Mizoram-ah COVID-19 hri kai enkawl dam mi 522 an awm belh ve leh bawk a, heti hian nimin tlai thlenga Mizoram-a hri kai hmuhchhuah tawh chu 2,21,68 niin an zinga 2,18,417 te chu enkawl dam an ni tawh a, hei hi hri kai hmuhchhuah atanga za zela 98.62 dam ang niin hri kai enkawllai pawh mi 2379 an la awm a, hri kai zingah mi 672 an boral tawh bawk a ni. Aizawl District chu hri kai enkawllai tamna ber la niin mi 548 enkawllai an awm a, Siaha District-ah tlem berin mi 30 enkawllai an awm mek a ni.