Latest News

Sawrkar School-ah zirlai uniform inang neih rel

School Education Minister Lalchhandama Ralte hova Human Resources Development Board (HRD) thukhawm chuan Sawrkar Sikul te'n Uniform inang neih a nih theih nan sawrkar thuneitu sang zawkah thlen nise an ti.

School Education Minister Pisa-a Human Resources Development Board thutkhawm ah hian Minister chuan hripui leng karah HRD Board chuan hna a thawk char char reng tih sawiin, COVID-19 avanga hnalak theih loh karah mamawh zual phuhruk nan Chief Minister hnenah zirtirtu rawih lailawkna tur dil anih thu te, 2021-2022 Academic Session-ah High School zirtirtu 157 lak nan nuai 157 hmuh anih thu leh a hnuah sum indaihlohna phuhruk nan nuai 53 hmuh leh anih dan te a sawi a. Kum 2022-2023 atan High School zirtirtu 199, Middle School-ah 67, Primary School-ah 191 bakah High School Exam Centre atan LDC 36 leh IV-Grade - 27 rawih lai lawkna atan nuai 380 hmuh anih thu a sawi bawk.

HRD Board Vice Chairman L.Thangmawia MLA chuan Board hnathawh chi hrang hrangte he hunah hian a tarlang a, HRD Board hmalakna in Mizo Language Development Board Bill chu Assembly House-ah passed a nih hnuah Governor pawmpuina hmuh ni tawhin Official Gazette nghah mek anih thu a sawi a, hei bakah hian hmalakna dang te a tarlang bawk.

HRD Board hian Sawrkar Sikul te'n Uniform inang neih a nih theih nan sawrkar thuneitu sang zawkah thlen nise an tih bakah hian School tan hmain School zawng zawngah ‘Aw nang, kan Lal kan Pathian’ tih hla chu a tam thei ang sa thin turin School tinte ngen nise an ti a. Hei hi SOP-in School Assembly neih a remtih hunah kalpui nise an ti bawk.

Comments

Popular News (Last 30 Days)