Latest News

Hri kai hmuhchhuah 2,23,516 tling tawh

Mizoram-ah COVID-19 hri kai hmuhchhuah thar an tlem ve zel a, nimin thleng khan hri kai mi 2,23,516 hmuhchhuah an ni tawh.

Niminpiah khan Mizoram-ah Sample 1120 enfiah niin heng atang hian COVID-19 hri kai mi 173 hmuhchhuah an ni a, Sample enfiah atanga za zela 15.45 te chuan hri an kai a ni. ZMC-a RT-PCR Laboratory-ah Sample 25 enfiah niin hri kai mi pakhat hmuhchhuah a ni a, Lunglei-a RT-PCR Laboratory-ah Sample enfiah awm lovin Fluorescent Immunoassay Test hmanga Aizawl-a Sample enfiah 39-ah hri kai hmuh an awm lo bawk a, Serchhip District-ah hri kai mi 6 hmuh an ni bawk.

District hrang hranga TrueNat Laboratory-ah Sample 32 enfiah niin hri kai mi 4 hmuh an ni bawk a, Champhai District-ah mi 3 leh Aizawl District-ah mi pakhat te an ni.

Rapid Antigen Test hmangin Sample 1007 enfiah ni bawkin hri kai mi 162 hmuh an ni a, Mamit District-ah 34, Serchhip District-ah 31, Saitual District-ah 28, Champhai District-ah 18, Lunglei leh Khawzawl District-ah 14 ve ve, Hnahthial District-ah 11, Aizawl District-ah 5, Kolasib District-ah 3, leh Siaha leh Lawngtlai District-ah hri kai mi pahnih ve ve hmuh an ni bawk.

Nimin khan Mizoram-ah hri kai enkawl dam mi 148 an awm belh leh bawk a, heti hian Mizoram-a hri kai hmuhchhuah tawh zawng zawng chu 2,23,516 niin an zinga 2,21,693 te chu enkawl dam an ni tawh a, hri kai hmuhchhuah atanga za zela 99.18 te enkawl dam ni tawhin hri kai enkawllai 1143 an la awm a, hri kai zingah mi 680 an boral tawh bawk a ni.

Comments

Popular News (Last 30 Days)