Latest News

Vawk lakluh khuahkhirh leh

Serchhip District chhungah rampawn atanga Vawk lakluh khapna thupek tihchhuah thar leh a ni.

Hemi chungchanga tunhnaia Serchhip District Addl. District Magistrate Lalmuansanga Ralte in thuchhuah siama a tarlan danin Serchhip District chhungah Vawk pulhri (African Swine Fever) vanga Vawk damlo leh thi report a awm tak loh rualin ASF leh natna dang laka kan fihlim zel theih nan leh Vawk vulhtuten harsatna an tawh lohna turin khapna thupek chhuah a tul thu leh The Prevention and Control of Infectious and Contagious Disease in Animal Act, 2009 Sec. 20 leh Section 144 CrPC 1973 tlawhchhanin thupek a chhuah a.

Hemi ang hian rampawn (foreign countries) atangin Vawk, Vawksa leh Vawksa atanga thil siam reng reng lakluh phal a nih loh thu te, State pawn atanga vawk lalut turte chuan AH & Vety Department atangin phalna an lak hmasak ngaiin dilna form hi AH & Vety Office atangin Rs.10/- a lei tur a nih thu te, District chhung leh District dang atanga Vawk lalut turte chuan Veterinary Health Certificate leh CSF Vaccination Certificate bakah tualchhung vawk ngei a ni tih VC/LC te hriatpuina lehkha an nei ngei tur a nih thu te, Vawk talhtuten vawk hrisel tha chauh an talh thinin Vawk neituten Vawk damlo an hralh tur a nih loh thu leh Vawk damlo leh thi an awm chuan AH & Vety Department Official te hnenah report vat thin tur a nih thu leh Vawk thi reng reng thuk taka phum thin tur a ni tih a tarlang a. He thupek hian thu leh awm hma chu Order chhuah a nih (March 22, 2022) atanga thla hnih (2) chhung tura tih a ni. Thupek zawm lo chu Section 188 IPC dan hmangin hrem theih an ni ang tih he thupek ah hian tarlan a ni bawk.

Comments

Popular News (Last 30 Days)