Latest News

Serchhip District-ah kumin hian TB vei 60 hmuin Nikshay Mitra hnuaiah mi 10 chauhin tanpuina an la hmu

/
Image
Serchhip District-ah kumin (2023) chhungin mi 867 te enfiahna atangin TB hrik pai mi 60 hmuh an ni tawh a. Serchhip District chhunga TB hrik pai mi 10 te hnenah Nikshay Mitra kaltlangin chawtha an eina tur pek mek niin mi tam zawkin an dawn theihna turin mi tlawmngai te penchhuak tura an duh thu thawktute chuan an sawi.
Post a Comment

Hri kai mi 25 hmuh belh leh

/

Serchhip District-ah nimin khan COVID-19 hri kai mi 25 hmuh belh leh an ni.

Nimin a COVID-19 hri kai hmuhchhuah zinga 8 hi North Vanlaiphai-a hri kai hmuh te niin Thenzawl-ah 7, Hmunzawl-ah 3, New Serchhip Khawtetlang leh P&E Veng-ah mi 2 ve ve hmuh niin Chhiahtlang, Khawbel leh Serchhip Dinthar Veng-ah hri kai mi pakhat theuh hmuh an ni bawk.

Nimin khan Serchhip District-ah hri kai enkawl dam mi 41 an awm belh leh bawk a, heti hian nimin tlai thlenga Serchhip Dstrict-ah hri kai hmuhchhuah tawh chu 13,251 niin an zinga 12,977 chu enkawl dam an ni tawh a, hri kai te zinga za zela 97.93 chu enkawl dam ni tawhin enkawllai 241 an la awm a, hri kai zingah mi 33 an boral tawh a. Serchhip District chu hri kai enkawllai tamna ber District ala ni zel a ni.

Comments

Post a Comment

Popular News (Last 30 Days)