BBBP in lawmman sem

/

Beti Bachao Beti Padhao (BBBP) Serchhip District hmalakna a Thlalak intihsiakna lawmman semna chu nimin khan Serchhip DC Meeting Hall-ah neih a ni.


 BBBP hnuaia hmalakna pakhat he thlalak intihsiakna lawmman semna hun hi Serchhip Addl. DC Lalmuansanga Ralte chuan hmanpuiin thlalak tha hian thu tam tak a sawi thei a, tawngkaa sawifiah theih loh thil tam tak a sawi-fiah theiin min rilru-ah a tuh nghet thei a ni, a ti a. Intihsiaknaa telte chungah lawmthu sawiin, tun aia tha lehzual zawk thlalak nei thei tura tan la thar theuh turin a chah a ni.

He hun hi BBBP Project Management Unit-a District Coordinator V. Lalruatsangi chuan kaihruaiin Serchhip DIPRO K. Saitluanga chuan intihsiakna result hi a puang a. Lawmman dawng-tute chu  Photography Category-ah : 1-na Elisian-mawia Sailo (Bazar Veng), 2-na Lalthianghlima (Vengchung) leh 3-na Lalnunthara (New Serchhip) te an ni a. Video Clip Making Category-ah 1-na K. Lalpekhlua (Dinthar Veng), 2-na Zoramthanga Ralte (Hmar Veng) leh 3-na Lalhruaitluanga (Vengchung) te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »