Hri kai 69 hmuh belh leh

/

Nimin khan Serchhip District-ah COVID-19 hri kai mi 69 hmuh belh leh an ni a, Thenzawl ah hri kai 24 hmuh niin Serchhip-ah 9, North Vanlaiphai-ah 7, Mualcheng-ah 6, East Lungdar leh Lungpho-ah 4 ve ve, Keitum, Hualtu leh Khawlailung-ah mi 3 theuh, Chhingchhip-ah 2 leh Hmunzawl, Khawbel, Chekawn leh Sialhau-ah mi pakhat theuh hmuh an ni bawk.

Nimin khan Serchhip District-ah hri kai mi 56 enkawl dam an ni leh a, hri kai hmuh tawh chu 12,948 niin an zinga 12,672 chu enkawl dam an ni tawh a, hri kai enkawllai mi 243 an la awm a, hri kai hmuhchhuah atanga za zela 97.86 te chu enkawl dam an ni tawh a ni.

Nimin chawhma dar 11:00 khan Chal-thanzingi (82), Chhingchhip Venghlun chu COVID-19 vangin a boral a, March 17-a hri kai hmuhchhuah niin natna dang nei tel, In lama inenkawl an ni. Heti hian Serchhip District-a COVID-19 hri kai te zingah mi 32 an boral ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »