Dr. R. Lalthangliana’n sawrkar laipui dawr mek

Mizoram tana thil pawimawh hrang hrangah Minister Dr. R. Lalthangliana chuan nimin khan sawrkar laipui-a mi pawimawh te New Delhi-ah a dawr.

Dr. R. Lalthangliana hian Niti Aayog Member Vinod Paul chu bia in amah kaltlanga Civil Hospital, Aizawl-a Nephrology Department tihchangtlunna tur atan Corporate Social Responsibility (CSR) Fund, Boeing Company a lo sawi chhuah sakna a zarah lawmthu a hrilh a, Boeing Company kaltlanga Civil Hospital, Aizawl-a dah tur MRI khawl tha chi chu a rang thei ang bera bun a nih theihnan hma lak sak turin a ngen bawk a ni.

Parliament Session lai a nih avanga Union Minister te hmuh a remchan loh avangin Dr. R. Lalthangliana hian Health Secretary Dr. Rajesh Bhushan leh Ministry of Health & Family Welfare a official pawimawhte kawmin NHM-Mizoram hnuaia thawkte hlawh leh hmalakna tura ruahman programme leh project hrang hranga sum release ran loh chungchang a sawipui a, tuna PMES system hman mek khirhkhan lutuk chungchang a  sawipui bawk. SRHF-ZMC-a Critical Care Block (CCB) khum 50 awmna tur siam belh chungchang pawh sawipuiin, Union Health Secretary chuan rang taka State sawrkarin proposal an siam chuan hma lak nghal theih a nih tur thi a lo hrilh a ni.

Hei bakah hian kumin February thla a Union MoS Health Dr. Bharati Pawar-in Aizawl a tlawh tuma inkawmna an neihnaah an lo thlen thil pawimawh tak tak panga - District thar pathum, Hnahthial, Khawzawl leh Saitual District Hospital khum 75 awmna tur sak dilna te; Aizawl Civil Hospital Main building upgrade na tur te, Blood Bank, Laboratory Block leh DNB Hostel building sak chungchang te; Mizoram hmun hrang hranga Sub-Centre leh PHC building sak te; District Headquarters-tin a Doctor leh Staff Quarters sakna tur te leh kan State tan a Mental Hospital din a nih theihnana hmalak pui tura ngenna te bawhzuina lehkha chu MoS Dr. Bharati Pawar lo pe a hma lak pui turin a ngen bawk a. ICMR hotute kawm bawkin anni hian RT-PCR khawl 8 tun thla March, 2022 chhunga Mizoram-a thawn chhoh hman an beisei thu Minister hi an lo hrilh a ni.

Ministry of Education a an hotu pawimawh tak tak Addl. Secretary ineet Joshi leh Kamila Chauhan, Jt.Secretary, RUSA te pawh hmuin RUSA hnuaia zirtirtute hlawh rei tak central sawrkain a hren avanga harsatna tawh chungchang a sawipui bawk a, anni chuan Integrated Finance Division (IFD) in an la tihfel theihloh avanga delay a nih thu Minister hi an lo hrilh a, Minister hian rang taka release turin a thlen nawn leh a ni.