Hri kai hmuhchhuah zat tlahniam zel

Mizoram-ah COVID-19 hri kai hmuhchhuah thar an tlahniam ve zel a, niminpiah khan Sample enfiah 1686 awmin heng atang hian hri kai mi 228 hmuhchhuah an ni a, Sample enfiah atanga za zela 13.52 te chuan hri an kai a ni.

Niminpiah khan ZMC-a RT-PCR Laboratory-ah Sample 54 enfiah niin hri kai mi 2 hmuhchhuah an ni a, Lunglei-a RT-PCR Laboratory-ah Sample 5 enfiah niin hri kai mi 4 hmuh an ni bawk. Fluorescent Immunoassay Test hmangin Aizawl-ah Sample 35 enfiahin hri kai mi 3 hmuh an ni a, Serchhip District-ah Sample 12 enfiah niin hri kai mi pakhat hmuh a ni bawk.

District hrang hranga TrueNat Laboratory-ah Sample 20 enfiah ni bawkin hri kai mi 6 hmuh an ni a, Hnahthial District-ah hri kai mi 3, Serchhip District-ah 2 leh Champhai District-ah pakhat te an ni.

Rapid Antigen Test hmangin Mizoram-ah Sample 1560 enfiah niin heng atang hian hri kai mi 212 hmuh an ni leh bawk a, Saitual District-ah 35, Serchhip District-ah 33, Khawzawl District-ah 32, Aizawl District-ah 31, Lunglei District-ah 24, Kolasib District-ah 23, Mamit District-ah 22, Hnahthial District-ah 5, Champhai leh Lawngtlai District-ah 3 ve ve leh Siaha District-ah hri kai pakhat hmuh an ni bawk.

Nimin khan tlai dar 5:00 thlengin hri kai mi 250 enkawl dam an awm a, heti hian Mizoram-a hri kai hmuhchhuah tawh chu 2,22,205 niin an zinga 2,19,548 te chu enkawl dam ni tawhin hri kai hmuchhuah atanga za zela 98.80 te enkawl dam an ni tawh a, hri kai enkawllai 1983 la awmin hri kai zingah mi 674 an boral tawh a ni.