COVID-19 hri kai enkawllai 1156 la awm mek

Mizoram-ah ni tin-a COVID-19 hri kai hmuhchhuah tlem ve hret hret zelin enkawl dam pawh an tam ve zel a, nimin tlai thleng khan hri kai enkawllai mi 1156 an la awm a ni.

Inrinni khan Mizoram-ah Sample 1053 enfiah niin heng atang hian COVID-19 hri kai mi 146 hmuh an ni a, Sample enfiah atanga za zela 13.87 te chuan hri an kai a ni. Lunglei-a RT-PCR Laboratory-ah Sample enfiah awm lovin ZMC-ah Sample 12 enfiah niin hri kai hmuh an awm lova, Fluorescent Immunoassay Test hmangin Aizawl-ah Sample 4 enin hri kai hmuh an awm lova, Serchhip District-a Sample enfiah 3 atangin hri kai mi 2 hmuh an ni. District 5-a TrueNat Laboratory-ah Sample 21 enfiah niin hri kai mi 2 hmuh an ni a, Rapid Antigen Test hmangin District 9-ah Sample 1013 enfiah niin hri kai mi 142 hmuh an ni bawk.

Zirtawpni khan Mizoram-ah Sample 1659 enfiah niin heng atang hian COVID-19 hri kai mi 131 hmuhchhuah an ni bawk a, Sample en atanga za zela 7.89 te chuan hri hi an kai a. ZMC-a RT-PCR Laboratory-ah Sample 13 enfiah niin hri kai hmuhchhuah an awm lova, District hrang hranga TrueNat Laboratory-ah Sample 4 enfiah niin Lunglei District-ah hri kai mi pakhat hmuhchhuah a ni a, Fluorescent Immunoassay Test hmangin Serchhip District-ah Sample 3 enfiahin hri kai mi pahnih hmuh a ni a. Rapid Antigen Test hmangin Sample 1639 enfiah niin hri kai mi 128 hmuh an ni bawk a ni.

Inrinni khan Mizoram-ah hri kai enkawl dam mi 192 awmin nimin khan mi 71 enkawl dam an awm belh bawk a. Heti hian Mizoram a hri kai hmuh tawh chu 2,23,793 niin an zinga 2,21,956 te enkawl dam ni tawhin hri kai za zela 99.18 te enkawl dam an ni tawh a. Hri kai enkawllai 1156 la awmin hri kai zingah mi 681 an boral tawh a ni.