Ni khat-a hri kai hmuhchhuah tlahniam zel

Mizoram-ah ni khat-a COVID-19 hri kai hmuhchhuah zat a tlahniam zel a, niminpiah khan Mizoram pumah Sample 2475 enfiah niin heng atang hian hri kai 270 hmuh an ni a, Sample enfiah atanga za zela 10.91 te chuan hri an kai a ni.

Niminpiah khan ZMC-a RT-PCR Laboratory-ah Sample 42 enfiah niin hri kai mi 4 hmuh an ni a, Lunglei-a RT-PCR Laboratory-ah Sample enfiah a awm lo thung. Fluorescent Immunoassay Test hmangin Serchhip District-ah Sample 7 enfiah niin hri kai mi 3 hmuh an ni bawk.

District hrang hranga TrueNat Laboratory hrang hrang zingah District 5-ah Sample 36 enfiah niin hri kai mi 8 hmuh an ni a, an zinga 4 te chu Serchhip District-a hri kai hmuh te niin Hnahthial District-ah 3 leh Mamit District-ah hri kai mi pakhat hmuh an ni bawk.

Heng bakah hian Rapid Antigen Test hmangin Sample 2390 enfiah ni bawkin hri kai mi 255 hmuh an ni a, an zinga 59 te chu Aizawl District-a hri kai hmuhchhuah niin Lunglei District-ah 51, Mamit District-ah 43, Serchhip District-ah 31, Kolasib District-ah 11, Hnahthial District-ah 10, Champhai District-ah 9, Lawngtlai District-ah 6 leh Siaha District-ah hri kai mi 5 hmuh an ni bawk.

Nimin khan Mizoram-ah tlai dar 5:00 thlengin hri kai enkawl dam mi 400 an awm belh leh a, heti hian Mizoram-a hri kai hmuh tawh chu 2,21,738 niin an zinga 2,18,817 te enkawl dam ni tawhin hri kai te atanga za zela 98.68 te enkawl dam an ni tawh a, hri kai enkawllai 2249 la awmin hri kai zingah mi 672 an boral tawh bawk a ni.