Mizoram-ah hri kai enkawllai an tlem chho zel

Mizoram-ah hri kai hmuhchhuah an tlem ve zel a, hri kai enkawl dam an awm belh ve reng bawk avangin hri kai enkawllai pawh an tlem ve zel

Inrinni khan Mizoram-ah Sample 2014 enfiah niin heng atang hian hri kai thar mi 234 an awm a, ZMC-a RT-PCR Laboratory-ah Sample 24 enfiah niin hri kai mi pakhat hmuh a ni a, Lunglei-a RT-PCR Laboratory-ah Sample enfiah pahnih atangin hri kai hmuhchhuah an awm lo. Fluorescent Immunoassay Test hmangin Aizawl-ah Sample 31 enfiah niin hri kai mi 3 hmuh an ni a, TrueNat Laboratory hrang hrangah Sample 16 enfiah niin hri kai mi pakhat hmuh a ni bawk. Rapid Antigen Test hmangin Inrinni khan Sample 1951 enfiah ni bawkin hri kai mi 229 hmuh an awm bawk a ni.

Zirtawpni khan Mizoram pumah Sample 1100 enfiah ni bawkin heng atang hian hri kai mi 144 hmuh an ni bawk a, Sample enfiah atanga chhutin za zela 13.09 te chuan hri an kai a. Zirtawpni khan ZMC-a RT-PCR Laboratory-ah Sample 11 enfiahin hri kai mi 2 hmuh an ni a, Lunglei RT-PCR Laboratory-ah Sample 10 enfiah niin hri kai mi pakhat hmuh a ni bawk. Fluorescent Immunoassay Test hmangin Aizawl-ah Sample 35 enfiah niin hri kai hmuhchhuah an awm lo a ni. District hrang hranga TrueNat Laboratory-ah Sample 16 enfiah niin hri kai mi 6 hmuh an ni a, Rapid Antigen Test hmangin Sample 1028 enfiah niin hri kai mi 135 hmuh an ni bawk.

Inrinni khan Mizoram-ah hri kai mi 446 te enkawl dam an nih bakah nimin khan mi 245 te enkawl dam an ni ve leh bawk a. Heti hian nimin thleng khan Mizoram-a hri kai hmuhchhuah chu 2,22,583 niin an zinga 2,20,259 te chu enkawl dam an ni tawh a, hei hi hri kai hmuh tawh atanga chhutin za zela 98.96 enkawl dam tawh ang a ni a, hri kai enkawllai mi 1648 la awmin hri kai zingah mi 676 an boral tawh a, hri kai enkawllai mi za aia tamna District 6 a la awm mek a ni.