Vaccine pek tan leh a ni

COVID-19 Vaccine pek hna kalpui mek ah nimin khan Serchhip District-a kum 12 leh 14 inkar te hnenah Vaccine pek tan an ni.

Kum 12 leh 14 inkar te hnenah hian COVID-19 vaccine, Corbevax chu pek a ni a, Serchhip District-ah hian a bultanna atan nimin khan Serchhip CMO Office building-a Main Centre-ah Vaccine hi pek niin Vawiin leh naktuk-ah a hmun ngai ah hian chhunzawm tura ruahman a ni a, Ningani atang khian East Lungdar, Mualcheng, Leng, Sailulak, Thenzawl leh Chhingchhip-ah Vaccine hi pek tan ve leh tur a ni dawn a, Vaccine la te hian Vaccine 1st Dose an lak atanga ni 28 hnu ah 2nd Dose an la leh thei dawn a ni. Tarlan tawh angin Serchhip District-ah hian kum 12 leh 14 inkar mi 2623 te vaccine pek tura ruahman a ni a, hemi atan hian Vaccine pawh Serchhip District rawn thlenpui a ni tawh a, Vaccine la turte hi Aadhaar Card an nei a nih chuan keng tura tih an ni bawk.