Mualpho lovin kan la kal zel - Edn. Minister

School Education Minister Lalchhandama Ralte chuan, “Pathian leh kan ram tan titu kan nih avangin mualpho lovin kan la kal zel a ni,” a ti.

Nimin a MNF Party in Aizawl-a Mizo Hnam Run-a Chhung Inkhawm an neih ah Minister Lalchhandama Ralte hian thu sawiin, “Tun Ministry, kum thum vel chhung kalta ah hian hripui avangin kum hnih zen zawn kan inkharkhip a, sawrkar tirh lam leh a hnuah pawh inthlan hrang hrang avangin Election Model Code of Conduct Rules-ten min phuar chang a tam a, hna thawhna hun tha hi thla 9 vel bak kan la nei lo hial ang,” a ti a. Amaherawh chu Chief Minister hova hun thima he hnam hruaichhuak tur hian MNF chu Pathian in a ruat nia sawiin, “Tih duh leh tih chak kan ngah a, kan duh anga kan ti thei zung zung lo erawh hrehawm kan ti a ni. Kan sawrkar hnu hian hripui, ramri buai, ran pulh hri leh lirnghing karah Pathian leh kan ram tan titu kan nih avangin mualpho lovin kan la kal zel a ni,” a ti.

He hunah hian School Education leh Printing & Stationary Department changtu Minister hian a Department enkawl te hmalakna hrang hrang pawh a tarlang bawk a ni.