Tawitlang Group YMA Rorel Inkhawm neih a ni

/

Nimin khan Tawitlang Group YMA chuan Rorel Inkhawm vawi 4-na chu Khawbel khua ah an nei.

Serchhip Sub-Hqrs. YMA huamchhunga Group YMA pathum awm zinga pakhat, Tawitlang Group YMA Rorel Inkhawm hi COVID-19 hri leng avanga ruahman lawk huna neih theih a nih loh hnuah nimin khan Khawbel Community Hall-ah neih a ni a, chawhma lamah an President Rampanmawia kaihhruaia rorelna neiin an thurel zingah Lungpho-a Forest Range Office dah tura sawrkara thlen leh Tuikum to Chhing-chhip via Sainik School Road Blacktop tura hmalak te a tel a ni.

Nimin-a rorel Inkhawm neih a nih rual hian kum kalta a an Member boral mi 47 te sunna hun hmangin Report ngaihthlak a nih bakah Life Member leh hruaitu hlun chawimawina sem a ni bawk a. An Group YMA Vice President PC. Vanneia chuan Kumpuan thupui “Ram leh Hnam humhalh’ tih hmangin thu a sawi bawk.

Tawitlang Group YMA huamchhung ah hian YMA Branch 12 awm mekin Member mipa 3279 leh hmeichhia 3557, an vaiin 6836 an awm mek a, Rorel Inkhawm hi Group YMA Conference neih loh kumah neih thin a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »