Lenkawl

Side Drain enkawl zui a \ul

Nimin khan MLPC Study Group buatsaihin Aizawl-a Assembly Annexe Conference Hall-ah Mizoram Liqour Prohibition Council in Mizoram a Zu khuahkhirhna Dan hman mek, MLPC Act a zirchianna report chungchang huapzau zawka sawihona hun neih a ni.

Project sawifiah dawn

NSUI Serchhip District hruaitute chuan nimin khan Govt. Serchhip College tlawhin Students’ Union hruaitute nen an inkawm a, College hma-sawnna atana thawhho chungchang te leh Zirlai harsatna nei te chhawmdawl leh \anpui chungchang ah te hmalak ho \ha tiin zirna kawngah District dang kan khum theih nan hmalak ho nise an ti bawk.

Serchhip-a Legal Metrology Enforcement Staff ten Mizoram pawn a\anga buhfai an rawn zawrh, a funna (bag) pawn lama a rih zawng in-ziak ang zat nilo a chhunga dah a nih avanga Inrinni kaltaa an man mi pahnih (2) te chu nimin khan an chungthu ngaihtuah a nih hnuah buhfai sample tur bag hnih (2) ve ve hren sakin pawisa chawitir a hrem an ni a, hei bakah hian buk tlinglo a buhfai hi zuar tawhlo tura intiamkamna ziah tir an ni bawk.

Thenzawl khawchhungah MGNREGS hnathawha an thawhna hlawh Bank Account a lut ve theilo te chu niminpiah, Pathianni tlai khan inhmukhawmin an harsatna te chinfel sak turin thuneitute an ngen a. A \ul dan azirin Prime Minister Office-ah thlena hmalak sak tura ngen an tum thu an sawi bawk.

Mizoram Police te chuan kumin kum chanve (January-June, 2018) chhung khan Mizoram pumah thubuai 1233 an ziaklut a, hengte hi IPC hnuaiah 993 leh Non-IPC hnuaia mi 238-te an ni.

Operation Mizoram Movement hnuaia Politics lam buaipui tura din, Wake Up Mizoram Chairman C. Lalrosanga chuan kan kalphung a fuh loh avangin mi tam tak an beidawng a, vote thlak chakna nei lo, phûrna nei lo leh vote tur pawh hre lovin tam tak an awm tih sawiin, mipui te chu ngaihtuahna thiang tak hmanga vote thlak tura zirtirna pek an tum thu a sawi.

Serchhip-a Petrol Pump awmchhun, IOC Petrol Pump-a Petrol pekchhuahna khawl chu a chhiat hnuah Diesel pekna khawl a chhe leh a, tunah hian Petrol \ha chi, Xtra Premium (XP) chiah pekchhuah theih a ni a, khawl chhia hi siam \hat hun tur hriat ala ni lo.

Serchhip District Anti-Tobacco Squad chuan puipunna hmuna meizuk khapna dan hman mek bawhchhia dapchhuah beihpui an thlak \hin angin Inrinni zing khan Serchhip Bazar leh a chhehvel, Damdawi In, Restaurant, Maxi Cab Stand leh Taxi leh Auto Rickshaw Stand vela dan bawhchhia a meizu dapchhuah hna an thawk leh a, he hunah hian dan bawhchhia a mei zu mi pakhat manin dan in a phal angin pawisa chawitir a ni. Serchhip District Anti-Tobacco Squad hotute chuan puipunna hmuna meizu hi an tlem zel nia sawiin, lawmawm an tih thu an sawi bawk.

Serchhip District Sanitation Task Force leh Serchhip khawpui chhunga YMA Branch leh Village Council te Meeting in alo rel tawh angin Inrinni khan Serchhip khaw pumah hnatlangpui neiin kawngpui sir-a tuihawk luanna \halo lai te siam\hat hnatlang neih a ni a, he hnatlang hi YMA Branch hrang hrangah neih niin NH. 54 paltlang ve lo Branch YMA te pawhin an huamchhung ah hnatlang hi an nei a, NH. 54 kama-a hnatlang te hian Side Drain hi an la laih zawh loh avangin a remchan anga la chhunzawm tur a ni ang.

Serchhip-a Legal Metrology Inspector leh a thawhpui te chuan Inrinni khan Serchhip-ah dan lova buhfai zawrh tam tham tak an man.

Nimin khan Home Minister leh Chief Minister mawhphurhna la mektu ni bawk, R. Lalzirliana hovin a chenna In-ah Mizoram-a Lump Sum Higher Secondary School 9-te thil nawr chungchang leh Dan leh thupek kenkawh lama a thil nghawng te ngaihtuahin School Education Department, Home Department leh Finance Department hotute an \hukhawm a. He hunah hian Finance Minister, Lalsawta leh School Education Minister, H. Rohluna te pawh an tel a ni.

Health & Family Welfare Department hnuaia Food & Drug (F&D) hotute chuan Mizoram a Sangha lakluh ah dan phalloh-a vawn\hatna, Formalin a awm leh awm loh an test chhunzawm rihlo niin an sawi a, hetihlai hian hmun leh hmuna test chilh a, a result hmuh theih nghalna Rapid Testing Kit an chah mek chu alo thleng \ep niin an sawi.

Serchhip Sub-Hqrs. YMA in kumin June thlaa ruahsur nasa avanga Serchhip khawpui chhunga chhiat tawkte \anpuina tura Vehbur a khawn chu Inrinni zing khan Serchhip khawpui chhunga leimin tuartu chhungkaw 12 te hnenah semchhuah a ni.

Serchhip District Football Association buatsaih Independence Day Football Tournament chu nimin khan 2nd Division ten an khelh chhunzawm.

Hrangturzo bialtu MLA leh Fisheries Minister ni bawk, Vanlalawmpuii Chawngthu chuan nimin khan a bial chhunga hmasawnna hnathawh \henkhat te chu tlawhin, heng hmun hrang hrangah hian hnathawktute chu a kawm nghal bawk.

Mizoram Pradesh Congress Committee (MPCC) chuan India rama State hrang hranga sawrkarna \ha (Good Governance) teh hrang hrang hmanga tehna, Public Affairs Index kum 2017-ah Mizoram chu State te zingah pathumna a nih thu an tarlang.

Mizoram Police hnuaia CID (Crime) chuan nimin a\ang khan ni thum (3) awh tur Cyber Crime Awareness Programme chu Mizoram Sub-Ordinate Police Officer-te tan SP Aizawl Conference Hall-ah a buatsaih.

Serchhip Sub-Hqrs. YMA chuan nizan hmasa khan Sub-Hqrs. Executive Committee (SEC) \hutkhawm neiin Mizoram-a Supply Kudam tinah Weighbridge a awm theih nana hma la turin Central YMA-ah thlen nise an ti.

Nimin khan Serchhip DC’s Conference Hall-ah Serchhip District Sanitation Task Force te leh Serchhip khawpui chhunga Branch YMA hrang hrang te, Village Council hrang hrang te chuan Serchhip paltlangtu NH. 54-a Side Drain laia hnatlang koh dan tur an rel.

Mizoram Govt. Lumpsum Aided Higher Secondary School awmna khua pakua (9) te chuan Vawiin hian sawrkar Pisa hrang hrang leh zirna In zawng zawngte khar an tum thu an sawi.

Mizoram sawrkar-a Urban Development& Poverty Alleviation Department-in Mizoram Khawpui Fai Inelna 2018 an buatsaih leh mek Serchhip-a bawhzuina beihpuithlak programme chu nimin khan Serchhip District-ah a hawnna neih a ni a, District Bawrhsap chuan District fai ber ni thei turin Serchhip District chuan theihna kan nei tih a sawi.

PRISM Party chuan Data dik siama nei turin sawrkar an duh tak zet tawh tih sawiin, an sawrkar hunah chuan ‘Data Bank’ dinin Data dik leh rintlak in\awm an siam dawn tih an sawi bawk.

Taxation Department chuan sawrkar kum kalmek 2018-2019 (April-June) chhungin chhiah Rs. 1,32,80,13,434/- a hmu tawh a, hemi hunchhung vek a GST a\anga chhiah hmuh chu Rs. 95,67,84,053/- a tling a, kum 2018-19 chhunga Mizoram in GST atanga sum a hmuh beisei zat chu vbc. 59.40 a ni.

Thla thar August 15-a India Independence Day lo thleng tur Serchhip-a lawm dan tur ngaih-tuahin nimin khan Serchhip District Bawrhsap hovin khawtlang mi pawimawh te chu an \hukhawm.

Mizoram Public Service Commission (MPSC) Chairman, Zosangliana Colney chuan nimin khan One-Time Registration leh Online Application chu Aizawl-a MPSC Mini-Examination Hall-ah a hawng.

Mizoram chhunga District Civil Supply Office (DCSO) pakua (9) hnuaiah Ration Card 2,66,842 awmin 2,11,449 chu Aadhaar nen thlunzawm a ni tawh a,hei hi za zela 79.24 niin Ration Card-a hming chuang zawng zawng 12,55,353 zinga mi 8,12,055 chu an Aadhaar nen thlunzawm an ni tawh a, hei hi za zela 64.68 a ni bawk.

Serchhip District Football Association buatsaih Independence Day Football Tournament, Screening Tournament ni bawk chu nimin khan Serchhip Khawtetlang Field-ah khelh \an a ni.

Serchhip Sub-Hqrs. YMA leh Serchhip District Consumers Association te chuan nimin chhun khan Chhiahtlang dai-ah eirawngbawlna Gas phurtu Truck in eirawngbawlna Gas an phurh an tiching-pen lai an man a, Legal Metrology te kutah hlan nghal a ni. Thudawn danin he Motor hi nikum lama Serchhip eirawngbawlna Gas phurtu tura lei kha niin a neitute hian midang kutah an hralh tawh a, tunhnaiah Serchhip ta tur an phurh theihloh avangin Siaha lam ta tur phurin he Motor khalhtu hian bur 15 vel an hralh tih a sawi a, chumi hnawhkhahna tur chuan Gas hi an siam ta niin an sawi bawk.

Bairabi Zophai-a Assam Police ten Mizo zirlaite bungrua an tihchhiatsak rul tura Mizoram sawrkar intiamna a hlawhtlin loh avangin MZP chuan Mizoram chhunga company lian leh Assam mi leh sa, Mizoram a awmte hnenah an thiam dan ang anga vehbur khawn an tum tih an sawi.

Salvation Army \halai te chuan Inrinni khan Serchhip damdawi In Blood Bank-a dah turin thisen Unit 36 an pe.

Serchhip-a Legal Metrology Enforcement Staff te chuan Inrinni zing khan Serchhip Bazar a sa zawrhna hmuna sa zuar ten dan angin an bukna, patla an khai ngei em tih an enfiah a, man an nei hran lova, zilhhau leh Warning pek erawh an nei.

Serchhip Vengchung Branch YMA chuan Inrinni khan Serchhip-a YMA dincham vawi 80-na an lawm.

Tripura-a Bru Camp hrang hrang a\anga Bru lo let, Mamit District khaw hrang hranga awm mekte chuan Tripura Camp hrang hrang 6 a awmte Mizoram-a hruailet turte ham\hatna hmuh tur ang hmuh ve an duh tih sawiin, hemi a hmala turin Equal Package Demand Committee an din nghal bawk.

VAIHLO LEH NU HRISELNA - Tobacco Cessation Clinic JN Hospital Serchhip

Mizoram Chief Minister ruahmanna in nimin khan Mizoram Youth Commission Chairman, Joseph Lalhimpuia leh Mizoram University Vice Chancellor, Prof. K.R.S Sambasiva Rao te chuan MZU Southern Campus, Lunglei-a neih theih dan tur chungchang an sawi dun.

World Vision India (WVI), Chhimtuipui Area Programme leh District Child Protection Unit (DCPU), Lawngtlai te \angkawp huaihawtin nimin khan Lawngtlai-a Central YLA Hall-ah Naupang khuaikhem (child sexual abuse) a bo theih nana District pum huap beihpui thlak hawnna neih a ni a. World Vision India (WVI) chuan India rama hursualna kawnga naupang khuaikhem tibo turin beihpui a thlak mek a. Kum 2021 ralhmaa rampum tuam chhuah hman tumin, Mizoram-ah pawh he hma lakna hi kalpui a ni a. Naupang kum 18 hnuailam maktaduai 10 zette himna turin India ram district 200 huam chhunga khawpui leh thingtlang khaw 7000-ah campaign hi neih tum a ni.

PRISM Party chuan tunah hian Mizoram sawrkar hnuaia thawk zingah hlawh la thei lo an tam hle nia sawiin, Vote zawn nana sum leh hna tenau sem ai hian sawrkar hian thawktu hlawh pe hmasa se an duh thu an sawi.

Asia chhimchhak ram sawm (10) inthlunzawmna, Association of South East Asian Nations (ASEAN) te leh India aiawhte nena kumtin intawhkhawmna buatsaih \hin, Delhi Dialogue chu nimin leh niminpiah khan New Delhi-a The Oberoi Hotel-ah a vawi 10 na neih a ni a, he hunah hian Chief Minister, Lal Thanhawla pawh a tel a ni.

 Tunhnai khan Serchhip Vengchung-a FPS Dealer pakhat chuan Serchhip DCSO hnenah FPS Dealer a\anga chawlh dilna a thehlut.

Sawrkar laipuiin Serchhip District chu pawnler-a inthiar awm tawh lohna, Open Defecation Free (ODF)-a pawmna Certificate a hlan chu nimin khan PHE Department-in District Bawrhsap, Sangchhin Chinzah hnenah an hlan a, he hunah hian Swachh Bharat Mission (Gramin) hnuaia District chhunga hmalak tawhna leh hmachhawp te sawiho a ni.

Nimin khan Aizawl-a Agriculture Directorate Conference Hall-ah All Mizoram Farmers Union (AMFU) hotute leh MNF hotute chuan Socio-Economic Development Programme (SEDP) zirhona an nei.

Mizoram State Law Commission chu nimin khan an Chairman, John Siamkunga, MLA hovin a Office Chamber-ah an \hukhawm a. Tun \um hi he Commission \hutkhawm vawi 36-na leh Mizoram Law Commission 2-na \hutkhawm hnuhnung ber tur a ni.

Mizoram Larsap, Kummanam Rajase-kharan-a’n Mizoram-a Autonomous District Council hotute a kawmna kal zelah nimin khan a tawpna ber atan Lai Autonomous District Council (LADC) hotute chu Raj Bhavan-ah a kawm.

PRISM Party chuan Chief Minister, Lal Than-hawla aiawh ang deuha a monu in Interview a la \hin chu Dan kalh nia sawiin, hetianga Public Office tihbawrhban anih avang hian Lal Thanhawla chu Chief Minister a\anga bang ngei tura an ngaih thu an sawi.

Mizoram People Forum (MPF) Serchhip District chuan nimin khan Serchhip Sub-Hqrs. YMA Office-ah Meeting neiin kumin MLA inthlan lo awm tur atana hmalak dan tur hrang hrang an rel.

Serchhip District Legal Services Authority (SDLSA) buatsaihin nimin khan Serchhip District chhunga Para Legal Volunteer (PLV) te tan an hnathawh dan tur leh mipuite nen thawhhona \ha an neih dan tur chungchang zirhona chu Serchhip-ah neih a ni.

Serchhip District chhunga Higher Secondary School ching chunglam zirna In panga (5)-ah te nimin khan Mizoram State Legal Services Authority (MSLSA) Member Secretary, Vanlalenmawia MJS chuan Student Legal Literacy Club a hawng.

Mizoram Govt. Lumpsum Grant-in-Aid Higher Secondary School Association (MIGLAHSSA), School Managing Board leh Students Union te chuan nimin khan Aizawl Press Club ah Joint Meeting neiin khawtlang lungrualin an mamawh em avanga an din, kum 14 leh a aia tam an lo enkawl tawh kan Higher Secondary School te chu an tan phurrit a ni ta tih sawiin, Adhoc Grant-In-Aid ah tal dah tura sawrkar chu an phut thu an sawi a. Sawrkar laka an thilphut nawr nana School an khar mekah sawrkar chu July 25, 2018 thleng nghah an tum thu leh chumi chhunga thu lawmawm an dawnglo a nih chuan July 26 a\anga August 3, 2018 thleng heng School awmna khaw 9, Zawlnuam, Sawkawrdai, W. Phaileng, Phullen, Farkawn, Thingsulthliah, E. Lungdar, N.E. Khawdungsei leh Zobawk-ah te Sawrkar office leh Zirna School awm zawng zawng khar leh Road block a ni ang tih an sawi a. He an hmalak hian awmzia a neihloh chuan heng khaw pakua-a Zirlai Pawl inzawmkhawm chuan an Higher Secondary School te Adhoc Grant-in-Aid a hlangkai thei t...

Agriculture Minister, KS. Thanga chuan nimin khan Johnson Diesel Sales & Services Depot, Sihhmui-ah loneitute hman tur Tractor 30 leh leilehna hmanrua a sem a. Heng hmanrua te hi Custom Hiring Centre (CHC) 30-a hman tur niin heng te nen hian Mizoram-ah Custom Hiring Centre (CHC) 101 a awm dawn ta a ni.

Afghanistan-a India Ambassador, Vinay Kumar, IFS chuan ni li (4) cham turin Mizoram a rawn tlawh mek a, niminpiah tlai khan Mizoram Larsap kawmin hemi zan hian Chief Minister a kawm bawk.

Khawlailung Dinthar Branch YMA chuan nimin khan an dincham-phaphak vawikhatna an lawm a, he hun hi Bialtu MLA, Vanlalawmpuii Chawngthu, Minister of State chuan khuallian niin a hmanpui.

Aizawl District Bawrhsap kaihhruaina hnuaiah nimin khan Project HIMNA-MADAT (Mizoram Against Drugs, Alcohol & Tobacco) chungchang sawihona neih a ni.

Mizoram Larsap, Kummanam Rajasekharan chuan niminpiah lama CADC hotute a kawm hnuah nimin khan Mara Autonomous District Council (MADC) hotute chu Raj Bhavan-ah a kawm leh a, he hunah hian MADC-a CEM, N. Zakhai leh member dangte chu Mara Autonomous District Council aiawhin an tel a ni.

Serchhip District Table Tennis Association (SDTTA) chuan kum 2018-2019 chhunga an hruaitu tur thlanna neiin President-ah Vanlal-chanchin\hahrilmawia, New Serchhip; Vice President-ah T. Hrangsiama, Chanmari Veng; Secretary-ah Laltlankima, New Serchhip; Asst. Secretary-ah C. Lalnghakliana, Vengchung; Treasurer-ah F. Edenthari, Field Veng leh Fin. Secretary-ah R. Lalzuiliana, New Serchhip te thlan-tlin an ni.

Mizoram Bru Displaced People Forum (MBDPF) General Secretary, Bruno Msha chuan, Tripura Camp-a Bru te Mizoram a laklet an nih na tura inremna (Draft Agreement) ziah ah MBDPF inhnukdawk mah se repatriation a hlawhchham phah an rin loh thu sawiin, "MBDPF inhnuhdawhna hian repatriation neih turah kawngro a su lo ang," a ti.

Chief Minister, Lal Thanhawla chuan nimin tlai khan Mizoram Institute of Medical Education & Research (MIMER), Falkawn chu tlawhin an mamawh hrang hrangte a enpui.

National Health Mission (NHM)-a State Mission Director, Dr. Lalrozama IAS chuan nimin chawhnu lam khan Serchhip damdawi In tlawhin Serchhip damdawi In khawl hrang hrang te dinhmun a enfiah a. NHM Director hi Chief Medical Officer, Dr. Laldawngliana Sailo leh District Medical Superintendent, Dr. ZD. Lal-muanawma ten \awiawmin thawktu ten khawl chi hrang hrangte hi an entir a ni.

Kumin a Serchhip Vengchung Pastor Bial K|P inkhawmpui in damlo a mamawh apiang te hman tura Serchhip damdawi In-a thisen pek an lo rel tawh tih hlawhtlinna kal zelah AVBD Serchhip Branch in thisen pek hun an ruahman angin nimin khan Serchhip Field Veng Branch K|P te chuan Serchhip damdawi In-ah thisen an pe a, thisen petute hi mipa 10 leh Hmeichhia 5, an vaiin mi 15 niin heng mi tlawmngai te hi Blood Bank-ah kalin thawktu ten an thisen hi an lo lak sak a ni.

Serchhip District Badminton Association buatsaih Serchhip Open-2018 (MBA Ranking Tournament) chu nimin khan Serchhip Indoor Stadium-ah khelh \an a ni.

Serchhip District chhunga Accredited Social Health Activist (ASHA) te tana Refresher Training chu nimin khan Serchhip CMO Conference Hall-ah neih \an a ni a, he hun hi National Health Mission-a Mission Director, Dr. Lalrozama IAS chuan khuallian niin a hmanpui.

Serchhip District chhunga Electoral Roll Special Summary Revision neih tur atana inbuatsaihna leh hmalak dan tur sawihona chu nimin khan Serchhip District Election Officer, Sangchhin Chinzah hovin a Pisa-ah neih a ni.

Mizoram Governor, Kummanam Rajasekharan kaihhruaina hnuaiah nimin khan Chakma Autonomous District Council (CADC) chungchang Meeting chu Aizawl-a Raj Bhavan-ah neih a ni a. He meeting-ah hian Chief Minister, Lal Thanhawla bakah CADC member-te leh Mizoram sawrkar aiawhte an tel a ni.

Mizoram Youth Commission (MYC) buatsaihin Mizoram-a a vawikhatna turin IIT-JEE & NEET Online Coaching Scholarship exam neih a ni.

UD&PA Minister, Zodintluanga chuan nimin khan a Office Chamber-ah ‘Mizoram Khawpui Fai Inelna 2018’ a hawng a, he inelnaah hian nikum ang bawk khan District Headquarters leh Other Urban Towns belh-khawmin khaw 23 an inel leh dawn a ni.

Chawlhkar hnih chhung kalpui tur, Kaw\halo vanga naupang thihna um bo a nih theih nana hmalakna ‘Intensified Diarrhoea Control Forthnight (IDCF) 2018’ chu nimin khan hman \an a ni.

Mizoram Police te chuan thuchhuah siamin tunhnaiah mi tu te emaw in Social Media hmanga State \henkhat ah Naupang kidnap chungchang a thudiklo chu vawrh darh avangin nunna hial chan phah an awm tih sawiin, he thil thleng hi Ministry of Home Affairs chuan a la thutak hle a, hetianga Social Media hmanga thu diklo vawrh darh hi phalloh thil a ni tih an tarlang a. Hetianga thudiklo thehdarh leh vawrh darh \hin te chu chhui a, na taka hrem tur a nih thu tarlangin, hetiang thu diklo vawrh darh leh thehdarh \hin kan hria a nih chuan mipuiten a rang thei ang ber a Police te hrilh tur leh hetiang kawngah hian theih-tawp chhuah a Police te \awiawm turin an sawm a. Hetiang thil thleng hi a reh theih nan hian Outreach programme leh Awreness Campaign pawh nasa tak a neih tum a hmalak mek a ni tih an tarlang bawk.

Tunhnaiah State \henkhata Sangha lakluh chu a him tawklo nia sawi a awm laiin Serchhip-a Phai Sangha zuartute pawhin Sangha hralh-chhuah kawngah harsatna an tawk mek tih an sawi.

Nimin khan Serchhip District Bawrhsap, Sangchhin Chinzah hovin Sansad Adarsh Gram Yojana (SAGY) hnuaia Serchhip District chhunga MP Model Village pahnih Chhiahtlang leh Khaw-lailung khua a hnathawh dan hrang hrangte zirchianna neih a ni.

Kumin a Zirtirtute Ni, Teacher’s Day hman dan tur chu nimin khan School Education Minister, H. Rohluna hovin sawiho a ni.

Mizoram rawn tlawhtu Union Minister for Statistics & Programme Implementation, D.V. Sadananda Gowda chuan zankhat riak turin nimin khan Aizawl a rawn thleng a. Nimin khan Secretariat Conference Hall-ah Planning Minister, Lalsawta leh Official te kawmin Scheme leh Central Sectoral project pawimawh tak kalpui mek te a sawipui.

Serchhip Hmar Veng Sports Complex-ah Artificial Grass phah hna chu thawh mek ni mah se hna zawhfel hun tur erawh ala hla deuha rin a ni.

Kumin June ni 25, 2018-a Haulawng daia naupang pathum (3) tuikhuah-a an tlakhlum thu-ah Lunglei Police te chuan he thihna thleng hi tu te emaw fimkhur loh vang emaw, inthlahdah vang emawa thleng ni lovin vanduai vang liau liau nia a lan thu Mizoram State Commission for Protection of Child Rights-ah report a thehlut.

MZP Hqrs. Lunglei chuan Civil Hospital Lunglei-a Doctor transfer te aiawh Sawrkar-in tun thlenga a la dah loh avangin lungawi lohna lantir nan nimin khan Lunglei District Medical Superintendant Office kawtah transfer order copy an hal a. He hunah hian MZP hruaitute chuan Civil Hospital Lunglei a\anga Doctor transfer te aiawh dah turin MZP chuan Mizoram Sawrkar a lo ngen tawh tih sawiin, tun thlenga a hlawhtlinnna hmuh a la nih loh laiin June 18, 2018 khan Doctor pakhat sawnchhuah a ni leh tih an sawi a, he an hmalakna kal mekah hian June 16, 2018 a\angin picketting an \an dawn thu an sawi bawk.

UD&PA Minister, Zodintluanga chuan nimin khan New Economic Development Policy (NEDP) sum hmanga sak tur, Aizawl Zodin-a Multi Level Car Parking-cum-Utility Centre sakna tur lung a phum.

Tunhnaia Serchhip-a leiminna hmun \henkhat chu nimin khan Pachhunga University College-a Geology lama mithiam chuan enfiahin, leimin zel tur venna atan tuihawk luanna \ha tak siam chu a pawimawh thu a sawi.

MPCC President leh Chief Minister, Lal Thanhawla chuan, “Kan Finance Minister leh Lal Thanhawla te hian State Lottery-ah hian naia sen khat pawh kan ei lo,” a ti.

Sinlung Hills Council (SHC) sawrkar lailawk (interim) chu thla ruk (6) chhung atan nimin chawhma dar 10:00 khan Aizawl District Bawrh-sap, Dr. A. Muthamma chuan a Office Chamber ah a rinawmna tiam tirin a lalut a, Sawrkar in a ruat Member 2 te nen mi 14 lakluh an ni.

Nimin khan SSA Block Resource Centre, Serchhip-ah Children Science Congress Sensitization-2018 hman a ni a. He hun hi kumin September thlaa Serchhip District tana Children Science Congress buatsaih tur puala buatsaih  niin Resource Person atan Dr. Laldinpuia, Asst Professor,Department of Geology, Pachhunga University College Aizawl chu hman niin Children Science Congress-a Project siamdan leh kalphung inhrilhhriatna neih a ni.

Serchhip Block Congress Committee chuan nimin khan Lalpuithanga Hall, Serchhip Chhim Veng-ah \hutkhawm neiin NLUP kalpui mek chungchang a sawiho.

Serchhip Sub-Hqrs. YMA in kumin June thlaa Serchhip-a ruahsur nasa avanga vanduaina tawk te chhawmdawlna tura Vehbur a khawn ah Rs. 2,08,100/- hmuh a ni.

Mizoram sawrkar-a Agriculture Department (Crop Husbandry) leh Central YMA \angkawp buatsaihin nimin khan rannung thahna hlo leh hnimhnah suatna- hlo Tur hmandan tur, hman dan dik leh hman dan him zawk inzirtirna chu loneitute, YMA hruaitute leh dawrkai rannung-hnimhnah tur/hlo zuartute pualin Aizawl-ah buatsaih a ni.

UD&PA Minister, Zodintluanga chuan nimin khan New Secretariat Complex huamchhungah sawrkar building thar pathum - Aizawl Convention Centre (ACC), Administrative Training Institute (ATI) Car Parking leh Multi-Level Car Parking (MLCP) sak hna \anna tur lungphum a phum.

Mizo Students Union (MSU) General Hqrs. Aizawl chuan Cement rate chungchangah nimin chawhnu dar 1:30 khan an President, RB. Lalmal-sawma hmingin Aizawl SP hnenah FIR a thehlut.

Prime Minister, Narendra Modi chuan nimin khan DAY-NRLM hnuaia Self Help Group (SHG) te Live Telecast-a kawmin 'Direct Samvad' hun an hmang a, he hunah hian Serchhip RD Block hnuaia Self Help Group te pawh an tel a ni.

Serchhip IOC Petrol Pump-a Petrol pekna khawl chu June 30, 2018-a a chhiat hnuah siam \hat ala ni lo a, hei vang hian Petrol pangngai pawh nimin thleng khan pekchhuah theih ala ni lo a, he khawl chhe siamtu tur hi tunkar tir lama rawn thleng tura beisei ni mah se nimin thleng khan ala rawn thlenglo nia thudawn a ni. Hetianga Petrol pangngai hralhchhuah theih a nih loh lai hian Petrol \ha chi, Xtra Premium (XP) erawh dan pangngaia hralhchhuah reng a ni a, hei hian mipuite harsatna tawh tur nasa takin a phuhru thung a ni.

Serchhip-a UD&PA Department chuan nimin khan DAY-NULM hnuaia Skill Development Training chhuak te hnenah Certificate an hlan.

World Vision India leh Mizoram State Child Protection Society \angkawp buatsaih, naupang pawngsual leh khuaikhem laka dona beihpui hawnna chu nimin khan neih a ni.

Mizoram NGO Coordination Committee chuan Tripura Transit Camp-a awm Tuikuk-te hruaikir tura inremna siam a ni chu lawmawm an tih thu an sawi a. Inthlan kaihhnawih thil reng reng erawh chu Mizoram pawna kalpui a remti ngai dawn lo tih an sawi thung.

All Mizoram Cement & Iron Rod Dealers Association (AMCIRDA) chuan naktuk, July 11, 2018 khian Mizoram puma Cement leh Rod zuar zawng zawng ten an dawr an khar dawn tih an sawi.

Tripura Bru Relief Camp 6 a\anga Kolasib District-a Bru chhung-kaw 824 hruaikir dan tur chu nimin khan Kolasib DC’s Conference Hall-ah Home Department Joint Secretary, Lalbiaksangi hovin ngaihtuah a ni.

Synod Bookroom chuan nimin a\ang khan Mizoram chhunga Synod Bookroom Branch hrang hrangah an thil zawrh te a man tlawma hralhna hun an buatsaih.

MNF Sr. Vice President leh MNF Action Committee Chairman, Tawnluia chuan Lottery-a Cheng vaibelchhe sing tel Mizoram sum eirukna chu Mizoram mipuite hmakhaw ngaiin tihtawp an duh thu a sawi.

Serchhip Tuikhuah Veng-a NH. 54 kawng tlahniam chu nimin zing khan mi tlawmngai ten an sum sengin a hnawh mam hna an thawk.

North Eastern Council (NEC) Meeting vawi 67-na chu nimin khan Shillong State Convention Centre-ah neih a ni a. He hun hi Union Home Minister, Rajnath Singh chuan kaihruaiin Union Minister of State for DoNER, Dr. Jitendra Singh leh India Hmarchhak state Governor leh Chief Minister-te pawh he hunah hian an tel a ni.

Inrinni khan Aizawl Traffic Jam Free Rally chu Mizoram Enfield Riders ten an nei a, Aizawl |huampui a\anga he Rally hi neiin Aizawl khawpui Veng hrang hrang an fangkual a, Transport Department Directorate Office-ah Aizawl Traffic Jam Free Rally kharna hun hman a ni.

Kolasib-a Zilla Sainik Board chuan Inrinni khan an Rising Day vawi 8-na an hmang a, he hun hi bialtu MLA leh MIFCO Chairman, PC. Zoram Sangliana chuan khuallian niin a hmanpui.

Tripura Bru Relief Camp 6-a awm mek Bru hote lakkir tuma ruahmanna a kal mek laiin Tripura Camp a\anga rawn kir tawh te chuan heng lakkir leh tura ruahman te tana \anpuina pek tur ang te an dawn ve loh chuan nawrh huaihawt an tum tih an sawi.

Inrinni kalta, July 7, 2018 kha MNF Founder President, Laldenga thihcham \um 28-na a ni a, Aizawl Treasury Square-a a Thlan-ah amah zahna pangpar dah a ni.

Serchhip Sub-Hqrs. YMA in mipui ten an sum pek ang Ration buhfai an lak theihna tura hma an lak mek laiin July thla Ration semtu Retailer \henkhat chuan buhfai hi buk tlinglo bawkin an sem leh nia hriat a ni a.

Mizo Zirlai Pawl (MZP) chuan Mizoram-a School-ah te zirtirtu indaihloh chhan chu zirtirtu inkhairual loh vang nia ngaiin, zirtirtu semrual chungchangah thuneitute leh sawkara thiltitheite inrawl lo tur leh harsatna siam lo turin an ngenin an hriattir.

Mizoram-ah tunhnai kum 10 (2007-2016) chhungin nau piang chhinchhiah 2,45,269 an awm laiin, mitthi chhinchhiah 59,200 an awm a, kum 2013 a\anga nau piang zat a tlakhniam laiin, kum 2014 a\angin kum 1-a mitthi awm zat a pung thung.

Serchhip District Table Tennis Association (SDTTA) buatsaih Season Opening Tournament chu nimin khan Serchhip Indoor Stadium-ah khelh \an a ni a.

Serchhip Town Joint VC te chuan Serchhip-ah District Employment Exchange dah a nih theih nan hmalak an tum.

MNF Party chuan Pathian leh mipui zara sawrkar-na a siam veleh New Education Policy duan sa an kalpui dawn tih an sawi.

Mizo Hmeichhe Insuihkhawm Pawl (MHIP) Day vawi 44-na chu nimin khan Mizoram hmun hrang hrangah uar taka hman a ni a, Serchhip-a MHIP Branch hrang hrangte pawhin he Ni hi urhsun taka hmangin Serchhip District Bawrhsap, Sangchhin Chinzah chuan New Serchhip Venglai leh New Serchhip Bazar Branch ten a huhova an hman chu khuallian niin a hmanpui.

NEDP–NLUP Convergence Scheme Phase–II (2017-2018) kalpui dan tur sawihona chu nimin khan NLUP Implementing Board Vice Chairman, PL. Thanga hovin NIB Conference Hall-ah NLUP Line Department hrang hrang ten an nei.

Mizo hla zinga hriat hlawh tak, ‘Khawnglun Run’ tih a phuah avanga mipuite hriatlar, LT. Muana Khiangte, Serchhip P&E Veng chu nizan hmasa khan Aizawl-ah boralin nimin khan Ser-chhip-ah vuiliam a ni.

Serchhip Bazar Branch K|P te chuan nimin khan Serchhip damdawi In Blood Bank-a dah turin thisen Unit 17 an pe.

Health Minister, Lal Thanzara chuan Khum 100 awmna tur Serchhip District Hospital sakna tur sum chu 15th Finance Commission-ah dil mek a nih thu leh hmuh ngei beisei a nih thu a sawi.

Tlabung-a Mobile Communication leh Internet hmanga inbiakpawh harsat vanga mipuiten harsatna an tawh \hin chungchang leh a sutkian dan tur sawihoin nimin khan Tlabung YMA Rún ah Tlabung khawtlang hruaitute an \hukhawm. Tun thla ni 7 ralhmaa Airtel-in Tlabung-ah 4G an pechhuak lo a nih chuan tiamchin awm lova an Tower khar an rel.

Union Minister of Home Affairs, Rajnath Singh chuan nimin tlai dar 4:00 khan Mizoram Chief Minister, Lal Thanhawla leh Tripura Chief Minister, Biplab Kumar Deb te chu New Delhi-a a Office-ah hmu in, Tripura-a Bru chengte Mizorama laklet chungchang a hmalak dan tur a sawipui.

Mizo Zirlai Pawl (MZP) General Hqrs. chuan Mizoram State Legislative Assembly hnuhnung ber neih zawh taka 'The Citizenship Amendment Bill 2106' duhlohna Resolution pass a ni chu lawmawm an tih thu an sawi.

Mizoram Govt. Aided School Association (MIGASA) chuan Adhoc Grant-in-Aid a hlankai an ngenna chu tih hlawhtlin sak ngei an beisei tih an sawi.

Serchhip Sub-Hqrs. YMA chuan mipui ten buk dik taka Ration buhfai an lak theihna tur atan hma la chhunzawm zelin Eirawngbawlna Gas pawh a semna hmunah buk a nih ngei theihna turin hma an la chhunzawm.

ZPM Southern Hqrs-a Women Cell President, Lalrinpuii chuan ZPM a sawrkar chuan zirna siam\ha turin Primary School a\anga bul\an a nih tur thu a sawi.

Zoram People's Movement (|angrual Pawl) Chief Ministerial Candidate, Lalduhoma chuan sawrkar kan hrawn tawh ten thlai tharchhuah hralhna dan an siam chu dan chhe ber leh hmantlak loh a ni, a ti a. ZPM an sawrkar chuan heng thlai hralhchhuah khuahkhirhna Dan te hi \hiah a nih tur thu a sawi bawk.

Inrinni kaltaa Remna Ni hi Peace Accord MNF Returnee Association (PAMRA) District Hqrs. Saizahawla District Serchhip pawhin Hmangaihzauva In, Hermon Veng-ah an hmang.