Thursday, 26 July 2018

Cyber Crime Awareness Programme neih \an a ni

Mizoram Police hnuaia CID (Crime) chuan nimin a\ang khan ni thum (3) awh tur Cyber Crime Awareness Programme chu Mizoram Sub-Ordinate Police Officer-te tan SP Aizawl Conference Hall-ah a buatsaih.
Mizoram Sub-Ordinate Police Officer-te tana Cyber Crime Awareness Programme hi Mizoram Police IGP (Intelligence and Law & Order), LH. Shanliana IPS chuan khuallian nia hmanpuiin tunlai thiamna sang zelin a a kentel ‘Cyber Crime’ hmachhawn tura dan kengkawhtute puala programme buatsaih a ni chu Cyber Criminals ho chhuichhuahna atan thil \angkai tak a ni, a ti a. Kum 2014 khan CID (Crime) hnuiah Cyber Cell din anih thu leh Cyber Police Station-a upgrade turin sawrkar in hma a lak mek thu sawiin, “Tunah hian Sawrkar laipui a\angin Cyber Crime Prevention against Women and Children (CCPWC) hnuaiah cheng nuai 148 hmuh tawh a ni a, hei hi Cyber Forensic Laboratory leh Cyber Training Centre changtlung tak dinna tur a ni,” a ti a. “Sawrkar in chak takin hma la mekin kumin chhung ngei hian Cyber Forensic Laboratory leh Cyber Training Centre te hi din ngei tum a ni,” a ti bawk.
He programme hi sawrkar laipui Scheme ‘Cyber Crime Prevention against Women and Children’ hnuaia hmalakna chi khat niin, Cyber Forensic Laboratory leh Cyber Programme Centre te din turin chak takin hmalak mek a ni a. Cyber Forensic Lab leh Cyber Programme Centre te hi din fel anih veleh Cyber Crime Investigation Programme ngawrh zawka kalpui tura ruahmanna siam a ni bawk.
He Cyber Crime Awareness Programme ah hian SBI, ICT, Social Welfare Department leh CID (Crime) staff a mithiam ten zirtirna an pe dawn a, District hrang hrang a\angin Sub-ordinate Police Officer-te telin, Police Inspector 2, SI 12 leh ASI 12, an vaiin Police Officer 26 an tel a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP