Kaw\halo vanga naupang thihna um bo a nih theih nana hmalakna beihpui thlak \an a ni

Chawlhkar hnih chhung kalpui tur, Kaw\halo vanga naupang thihna um bo a nih theih nana hmalakna ‘Intensified Diarrhoea Control Forthnight (IDCF) 2018’ chu nimin khan hman \an a ni.
Dawrpui School Conference Hall, Aizawl-a ‘Intensified Diarrhoea Control Forthnight (IDCF) 2018’ hawnna hun hi Health Minister, Lal Thanzara chuan khuallian nia hmanpuiin National Health Mission (NHM) thil tum lian ber pakhat chu naupang thihna tihtlem a ni tih sawiin, India rama kumtina nausen leh naupang nunna hlu tak suat \hintu zaa sawm (10%) hi Kaw\halo a nih thu a sawi a. Kaw\halo chu natna tlang lawn leh huatthlala tak, hote-a lang si, enkawl \hat loh chuan thihna thlen hial thei a ni tih pawh sawiin, Nipui boruak leh Furpui chhovah a hluar \hin hle a, hemi avang hian sawrkar laipui kaihhruaina hnuaiah Mizoram-ah pawh kum 2014 a\ang khan Kaw\halo dona atana hmalakna IDCF hi kan lo hmang tawh thin a ni, a ti a. IDCF kalpui chhung hian ASHA ten mahni bial chhung \heuhah In tina naupang kum nga (5) chin hnuailam tlawh chhuakin ORS an sem ang a, kaw\halo ven dan leh enkawlna te hrilhin ORS siamdan te an zirtir bawk ang, a ti.
Health Minister chuan kaw\halo enkawlna \ha ber chu ORS leh Zinc a nih thu pawh sawiin, “ORS leh Zinc \hatnate hi kan hmel hriat \ha viau tawh nachungin National Family Health Survey (NFHS)4-a a landanin naupang kaw\halo 69% chauhin ORS-a enkawlna an dawng a, 29% chauhin zinc-a enkawlna an dawng a ni,” a ti a. ORS leh Zinc te kaw\halo enkawl nana uar zawka hman chu hmachhawp lian tak pakhat a nih thu a tarlang a. Kaw\halo avanga thihna te, a venna leh enkawl kawngah nasa lehzuala mimal tin leh a khawtlang anga \an lak a ngaih thu a sawi a. “Keimahni in vawngfaiin kan In leh a velte vawngfai \heuhin ang u,” tiin kalkhawmte chu a chah bawk.
Intensified Diarrhoea Control Fortnight (IDCF) hi kaw\halo do beihpui thlakna niin kum 2014 a\anga khan hman \an a ni a. Kumin hian ‘Kaw\halo vanga naupang thihna hi i um bo ang u’ tih chu thupui-ah hman niin kumtin he Fortnight hi Fur ruahtui tam hma leh tam laia hman \hin a ni. Mizoram-ah pawh India ram hmun hrang hranga hman a nih rualin hman tawh \hin a ni a. Kumin pawh hian July ni 16 - 28 , 2018 chhungin District tinah hman leh tur a ni a. He fortnight chhung hian naupang kaw\halo enkawl nana \ha be, ORS leh Zinc \hatna nasa lehzuala zirtirna pek a ni leh ang. Sawrkar damdawi In, Sub-Centre leh Anganwadi Centre-ah ORS-Zinc Corner siam a ni ang a, heng hmunah hian naupang kaw\halo te enkawlna pek an ni anga. ORS siamdan te, faina chungchang te leh ORS leh Zinc pawimawhna te a hmuna thawktuten an hrilh \hin dawn a ni.

Comments

Popular posts from this blog

PAN CARD an tih teh fo hi - Laldinpuia