Serchhip-a leiminna hmun enfiah

Tunhnaia Serchhip-a leiminna hmun \henkhat chu nimin khan Pachhunga University College-a Geology lama mithiam chuan enfiahin, leimin zel tur venna atan tuihawk luanna \ha tak siam chu a pawimawh thu a sawi.

Nimin chawhnu khan Pachhunga University College (PUC) a Geologist & Mining Department-a Associate Professor, Dr. Laldinpuia chuan Serchhip Tuikhuah Veng a lei tlahniam leh Serchhip Chhim Veng-a Lalpuithanga Hall thlanga leiminna hmun te bakah Sailiamkawn a NH-54 kawngpui tunhnaia chim te a hmunah kalin a enfiah a. Dr. Laldinpuia chuan leimin hi lei chhungrila Tlaklei tam vang anih thu sawiin, Tuikhuah Veng a lei tlahniam pawh leichhunga tui lut nasa in Tlaklei a siam vanga lei tawlh anih thu a sawi a, helai hmuna lei tlahniam zel tur ven nan tuiluankawr \ha tak siam a pawimawh thu sawiin, helai hmun a enfiahna a thil hmuh dan hi Serchhip DC hnenah a thlen tur thu a sawi.
Dr. Laldinpuia hian Sailiamkawn a NH-54 kawngpui June ni 14 a kawngpui chhuat nena min bal vek pawh a hmunah kalin lei awmdan a enfiah a, he leimin pawh hi lei chhungrila tui lut nasa in Tlaklei a siam tam avang leh lei thawl chi anih avanga min anih thu a sawi a, nasa taka min leh mai tura hlauhthawnawm erawh anih loh thu a sawi bawk.
Dr. Laldinpuia chuan leimin tam tak hi ven theih anih thu sawiin, chumi atan chuan In tinin Tuidawn neiha, tui luangral tam lutuk tur kan ven a pawimawh thu a sawi a, Serchhip Tuikhuah Veng a leimin leh tlahniam pawh hi tuihawk tam vang nia a lan thu sawiin, tunah hian helai hmunah hian tuikhawr luanna khuahkhirh leh thunun chu thil pawimawh nia a hriat thu a sawi bawk.
Nimin a heng leiminna hmun te a tlawhna hunah hian Serchhip tualchhung thuthar thehdarhtu \henkhat te leh Govt. H/S Serchhip-a zirtirtu, Saihmingthanga Sailo ten an \awiawm a ni.

Popular posts from this blog

PAN CARD an tih teh fo hi - Laldinpuia