Thursday, 26 July 2018

Khawpui fai inelna atan beihpuithlak \an niin District Bawrhsap in mipuite fai turin a fuih

Mizoram sawrkar-a Urban Development& Poverty Alleviation Department-in Mizoram Khawpui Fai Inelna 2018 an buatsaih leh mek Serchhip-a bawhzuina beihpuithlak programme chu nimin khan Serchhip District-ah a hawnna neih a ni a, District Bawrhsap chuan District fai ber ni thei turin Serchhip District chuan theihna kan nei tih a sawi.

Mizoram khaw fai thlanna tura Serchhip District-a beihpuithlakna hawnna inkhawm Serchhip DC’s Conference Hall-a neih ah District Bawrhsap leh Serchhip District Sanitation Task Force-a Chairman ni bawk, Sangchhin Chinzah chuan nkumah UD&PA buatsaih khawpui fai inelna ah Mizoram District Capital 8 zingah 6-na kan ni chu a tlawm thlak tih sawiin, nimahsela khata \ang khan Serchhip mipuiten harhtharna changin kan intuaifai chho ta a, Swachh Survekshan hmalakna hnuaiah Inrinni tin chu tualphiah Ni-ah puangin DUDO leh Sub-Hqrs. YMA \angkawp ten Veng fai inelna an han buatsaih bawk a. District Sanitation Task Force hmalakna in Awareness leh Media Campaign nasa taka neih zui a ni bawk a. Chumi rah seng chuan kum 2018 Swachh Survekshan, Northeast Zone-a khawpui 220 zingah Serchhip chu 23-na niin Mizorama District Capital lang awmchhun kan ni ta hial a. Serchhip mipuite thawhrimna leh inthlakthleng duhna rilru chu a chhuanawmin lawmawm a tih thu a sawi bawk.
Bawrhsap chuan kuminah UD&PA chuan Mizoram khawpui fai inelna a han kalpui \an leh ta tih sawiin, Serchhip chu pakhatna a nih ngei theih nan nasa zawka kan beih chhunzawm zel a ngai a ni, a ti a. “India rama District Literacy Rate sang ber luahtu Serchhip District hian District fai ber nihna pawh kan luah thei ngei ang, tiin Serchhip mipuite chu theihtawp chhuah \heuh turin a fuih a. Serchhip khawpui chhunga NH. 54-ah Side Drain laihchhuah vek tum a nih thu te, Khawpui chhung kawr (streams) tihfai a nih tur thu te, Awareness Hoarding siam mek a nih thu te, Veng hrang hrangah vantlang bawlhhlawh bawm dah a nih tawh thute leh hmalakna dangte a tarlang bawk.
Nimin a he beihpuithlak hawnna hun hi District Urban Development Officer (DUDO), Vanthangpuii chuan kaihruaiin Grace Lalrinfeli, District Manager chuan khawpui fai inelnaa tehna hrang hrang ruahman te sawifiahna a nei a, he inelna a endiktu turte hi September 1 - 20 inkarah langsar lem lova rawn kal tur an nih thu leh khaw chhung mipuite pawh \ul an tih anga an interview tur thute a tarlang bawk.
Nimin a Serchhip District tana Faina beihpuithlak hawna inkhawm-ah hian District Sanitation Task Force Member te leh sawm bik zirlai naupangte an tel a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP