Thursday, 19 July 2018

Mara Autonomous District Council (MADC) hotute Mizoram Larsap in a kawm


Mizoram Larsap, Kummanam Rajasekharan chuan niminpiah lama CADC hotute a kawm hnuah nimin khan Mara Autonomous District Council (MADC) hotute chu Raj Bhavan-ah a kawm leh a, he hunah hian MADC-a CEM, N. Zakhai leh member dangte chu Mara Autonomous District Council aiawhin an tel a ni.

Mizoram Larsap in Autonomous District Council chungchanga Meeting a koh thawh hnihna ah hian Larsap chuan District Council tana \hut ho-, ngaihtuahna sen leh thawhho chu meeting-in a tum a ni tih a sawi a. Council dinhmun uluk taka zirchiang a, thutlukna leh ruahmanna mumal tak siama, an ruahmanna te chu a hun taka zo tur an nih thu a sawi a. District Council hotute chu hmasawnna hna thawk tura sum an hmuh te chu renchem taka hmanga, ruahmanna siam lawk anga hmang tur an nih thu a sawi bawk ni. MADC aiawha kalte hnenah hian Larsap chuan report te chu a hun taka thehlutin, an hmalakna dinhmun te chu thuneitu sang zawk hriattir a, \anpuina an mamawh pawha dil \hin turin a chah a bawk.
Larsap chuan Central leh State sawrkar chunga innghah reng a rem dawn lo tih pawh sawiin, “Sum lakluhna kan dap thiam a, mipuite dinhmun kan chawikana, an intodelh a pawimawh a ni,” a ti a. MADC-a Member-te chu harsatna siamtu nge a sukiangtu an ni tih an inenfiah \hin a \ul thu sawiin, “Hun inher danglam mil zela kan khawthlir kan tihdanglama, Council tana ruahmanna \ha leh a hlenchhuah dan turte kan siam a ngai a ni,” a ti a. Governor chuan thawhhona \ha tak an neih a, hmalam an pan zel a beisei thu a sawi bawk.
He Meeting-ah hian Autonomous District Council-te Fund Rules chu siam danglam tura hmalak mek a nih thu tarlan a ni a. Accountant General rawtna anga Internal Audit pawh hman thuai a nih tur thu tarlan a ni. He hunah hian Tui pump chungchang, Agriculture leh a kaihnawih, bawlhhlawh paihna leh sawngbawlna a an harsatna te sawiho a ni a. Khaw kar inkal-pawhna, Skill Development, \halaite tana eizawnna siam, College-a Science stream zirna a awm lo leh Helicopter service \ha zawk an mamawh thu te MADC hotute chuan an sawi a. Governor hnenah hian India danpui 6th Schedule siam danglamna leh Council chhunga hnalak khapna thupek chungchangah Memorandum an thehlut nghal bawk a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP