MNF in Mizoram-a Loterry kalpui mek tihtawp phuta hma lain thuthar thehdarhtute an kawm

/
MNF Sr. Vice President leh MNF Action Committee Chairman, Tawnluia chuan Lottery-a Cheng vaibelchhe sing tel Mizoram sum eirukna chu Mizoram mipuite hmakhaw ngaiin tihtawp an duh thu a sawi.
MNF |halaite chuan nimin zing a\ang khan Tuikhuahtlang, Aizawl-a Directorate of Institutional Finance & Lotterry Office chu hnathawk thei lovin Pisa kai tur an dang chat a. Hemi chungchang ah hian nimin chhun khan MNF Sr. Vice President leh MNF Action Committee Chairman ni bawk, Tawnluia chuan Aizawl Mizo Hnam Run-ah thuthar thehdarhtute kawmin kum 2008-a Congress sawrkar a lo pian a\ang khan Lottery hi duhsak zawngte nena sam inphiarzawm nan Chief Minister, Lal Thanhawla chuan a hmang \angkai hle niin a sawi a. A duhsak bik vai sumdawngten duhtawkin Vawiin thleng hian an chalai mawlh mawlh mai nia sawiin, “Mizoram sawrkar sum bawma lut a tlem tial tial a, a hlawkpuitu mi tlemte- te chan erawh rin phak bakin a tam uchuak hle thung,” a ti.
Tawnluia chuan Lottery-a thil diklo inphum leh siam\ha tura sawrkar phut nan MNF Party chuan vawi nga (5) lai Press Conference kovin a lo puangchhuak tawh tih pawh sawiin, Lottery kal dan hi a \awpzia hriain Sawrkar laipui chuan India rama sum hman dan chhui theitu sang ber, Comptroller and Auditor General of India (CAG) chhui tirin CAG hian kum thum (2012-13, 2013-14 leh 2014-15) chhung chauh chhuiin hemi chhung hian Cheng vbc. 118,08.77 Mizoram sum bawma lut tur chu lut lovin hnamdang vai company te kutah a luh fai vek thu te, hei hi Lottery Regulation Rules 2010 kalh tlat a nih thu leh Cheng vbc. 25.45 chauh Mizoram sum bawma a luh thu chiang takin CAG report hian a rawn tarlang tih a sawi a. Lottery-a thil diklo awm hi Competition Commission of India (CCI) beng pawh thlengin anni pawhin an chhui zo tawh a, tunah Supreme Court thutlukna an nghak mek tih a sawi.
Heng bakah hian PRISM leh MNF te chuan Lottery chungchang ah hian hma an lo lak tawh \hin thu pawh sawiin, amaherawh chu Vawiin thlengin sawrkar chu a kal ngaiin ala kal tih a sawi a. Cheng vaibelchhe sing tel Mizoram sum eirukna Lottery chu Mizoram mipuite hmakhaw ngaia tihtawp an duh thu sawiin, Sawrkar hnena an thilphutte hi tihhlawhtlin a nih hma chuan hma an la chhunzawm zel dawn tih a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »