Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Zirtirtute Ni hman dan tur sawiho a ni

Kumin a Zirtirtute Ni, Teacher’s Day hman dan tur chu nimin khan School Education Minister, H. Rohluna hovin sawiho a ni.
Directorate of School Education Conference Hall-a he sawihona hunah hian Education Minister chuan Teacher’s Day, Zirtirtu te Ni chu India ram hmun dang ang bawk in Mizoram-ah pawh kumtin khel lova urhsun taka hman \hin a nih thu sawiin, Zirtirtute hna leh mawhphurhna chu a sangin a pawimawh a, naupang te nun kaihruaitu, mimal leh chhungkua, Kohhran leh khawtlang, ram leh hnam thlenga thiam thil hrang hrang zirtira naupang te mi pangngai leh mi puitlinga chherchhuaktu an nih avang in chawimawi an phu a ni, a ti.
Nikum leh kum hmasa lama Zirtirtu leh naupangte thawhkhawm leh Donation leh a dangte a\anga sum hmuh chu Dan in a phalsak angin Zirtirtu leh an chhungte damlo \anpui nan leh Teachers Day senso atan te hman \hin a ni a. Damlo te chu an nat dan azirin Rs. 10,000/- leh Rs.7,000/- a \anpui \hin an ni a, Zirtirtu \anpuina hi Financial Year khatah zirtirtu pakhat hnenah vawikhat aia tam pe lovin, a ngai ang hi la hman ni se tiin rel a ni a. Nikum chhung khan Damlo 68 te hnenah \anpuina hi pek a ni a, Zirtirtu te pual anih angin Sawrkar sikul mai bakah Private sikul te pawh tanpuina chungchangah hian inthlahrung lo se an duh thu an sawi bawk.

Comments

Chhiar Hlawhte